- Башы джабылгъан челекге, кир тюшмез.
- Тенгинг джокъ эсе – изле, бар эсе – сакъла!
- Аш иеси бла татлыды.
- Ауузу бла къуш тута айланады.
- Адам сёзге тынгыла, акъыл сёзню ангыла.
- Бир абыннган – минг сюрюнюр.
- Къыз чыгъаргъан – къызыл къымжа.
- Ачны эсинде – аш.
- Асхат ашлыкъ сата, юйдегиси ачдан къата.
- Элни кючю – эмеген.
- Ханнга да келеди хариблик.
- Къонагъы джокъну – шоху джокъ.
- Акъыллы айтыр эди, акъылсыз къоймайды.
- Намысы болмагъанны, сыйы болмаз.
- Олтуруб кёрюнмей эди да, ёрге туруб кёрюне эди.
- Аманнга да, игиге да оноусуз къатышма.
- Ашда уялгъан – мухар, ишде уялгъан – хомух.
- Айырылмаз джууугъунга, унутмаз сёзню айтма.
- Ичимден чыкъды хата, къайры барайым сата?
- Адам къаллай бир ишленмесе, аллай бир кесин уллу кёреди.
- Къыйынлы джети элни къайгъысын этер.
- Мураты болгъанны джюрек тебюую башхады.
- Къатын къылыкъсыз, эр тынчлыкъсыз.
- Хар адамгъа кеси миннген тау кибик.
- Тойчу джашха къарама, къойчу джашха къара.
- Ачыу алгъа келсе, акъыл артха къалады.
- Мухардан ач ычхынмаз.
- Билим насыб берир, билим джолну керир.
- Баш болса, бёрк табылыр.
- Киштикге къанат битсе, чыпчыкъ къалмаз эди.
- Таш бла ургъанны, аш бла ур.
- Джашда акъыл джокъ, къартда къарыу джокъ.
- Эки ойлашыб, бир сёлешген.
- Ауругъан – джашаудан умутчу.
- Иги – алгъыш этер, аман – къаргъыш этер.
- Ашарыкъда сайлагъаннга – чий гырджын.
- Джарлы джети элни сёзюн этер.
- Ишленмеклик адамлыкъды.
- Керти сёзге тёре джокъ.
- Суугъа – таянма, джаугъа – ийнанма.
- Сабийни джумушха джибер да, ызындан бар.
- Ач къалгъандан, кеч къалгъан къолай.
- Къолунгдан къуймакъ ашатсанг да, атаны борчундан къутулмазса.
- Акъыл сабырлыкъ берир.
- Эр сокъур болсун, къатын тилсиз болсун.
- Дуния аламаты сен эсенг да, игиме деб айтма.
- Адамны адамлыгъы къыйынлыкъда айгъакъланады.
- Джюрекден джюрекге джол барды.
- Тюзню ётмеги тюзде къалса да, тас болмаз.
- Кёзю сокъурдан – къоркъма, кёлю сокъурдан – къоркъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72