- Аманны къуугъан, аманлыкъ табар.
- Баланы адам этген анады.
- Терслик кетер, тюзлюк джетер.
- Биреуге аманлыкъ этиб, кесинге игилик табмазса.
- Кёкдеги болмаса, джердегин кёрмейди.
- Дуния малгъа сатылма, кесингден телиге къатылма.
- Намыс сатылыб алынмайды.
- Бал – татлы, балдан да бала – татлы.
- Хар зат кесини орнуна иги.
- Ана – юйню кюн джарыгъы.
- Кёлсюзден сёзсюз тууар.
- Чомартны къолу берекет.
- Ётюрюкчюню шагъаты – къатында.
- Чабакъ башындан чирийди.
- Къарт айтханны этмеген, къартаймаз.
- Билимли ёлмез, билимсиз кёрмез.
- Акъыллы эркиши атын махтар, акъылсыз эркиши къатынын махтар.
- Ариу сёз аурууунгу алыр.
- Къалгъан ишге къар джауар.
- Халкъны юйю – туугъан джери.
- Кёб ант этген, кёб ётюрюк айтыр.
- Бек анасы джыламаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Адам боллукъ, атламындан белгили болур.
- Кёзюнде тереги болгъан, чёбю болгъаннга кюле эди.
- Ашыкъгъан cуу, тенгизге джетмез.
- Джарлыны тону джаз битер.
- Билген билмегенни юретген адетди.
- Джаным-тиним – окъуу, билим.
- Илму – джашауну джолу.
- Адамгъа аман кюн соруб келмейди.
- Окъдан джара эртде-кеч болса да бителир, сёз джара, ёмюрге къалыр.
- Джумушакъ сёз къаты таякъны сындырыр.
- Экиндини кеч къылсанг, чабыб джетер ашхам.
- Тыш элде солтан болгъандан эсе, кесинги элде олтан болгъан игиди!
- Къонагъынгы артмагъын алма да, алгъышын ал.
- Намыс болмагъан джерде, насыб болмаз.
- Къонакъ кёб келюучю юйню, къазаны отдан тюшмез.
- Мухардан ач ычхынмаз.
- Ашха уста, юйюнде болсун
- Ашлыкъны арба юйге келтирир, чана базаргъа элтир.
- Ач, тоймам, дейди, тойгъан, ач болмам, дейди.
- Мухар, кеси тойса да, кёзю тоймаз.
- Адебсиз адам – джюгенсиз ат.
- Ойнай билмеген, оюн бузар.
- Эл ауузу – элек, анга ийнаннган – халек.
- Ёлюр джаннга, ёкюл джокъ.
- Таукел адам тау тешер.
- Ойнаб айтсанг да, эслеб айт.
- Олтуруб кёрюнмей эди да, ёрге туруб кёрюне эди.
Профиль
|
|
|
|||