- Бал – татлы, балдан да бала – татлы.
- Тенгинг джокъ эсе – изле, бар эсе – сакъла!
- Эм уллу байлыкъ – джан саулукъ.
- Айтхан – тынч, этген – къыйын.
- Миллетни бойну – базыкъ, аны бла кюрешген – джазыкъ.
- Ёмюрлюк шохлукъну джел элтмез.
- Чыбыкълыкъда бюгюлмеген, къазыкълыкъда бюгюлмей эди.
- Кесинге джетмегенни, кёб сёлешме.
- Сормай – алма, чакъырылмай – барма.
- Иши джокъну, сыйы джокъ.
- Ёзденликни кёбю ётюрюк.
- Къартны бурнун сюрт да, оноугъа тут.
- Сютню башын джалагъан къутулур, тюбюн ичген тутулур.
- Магъанасыз сёз – тауушсуз сыбызгъы.
- Бичгенде ашыкъма, тикгенде ашыкъ.
- Нарт сёз – тилни бети.
- Ётюрюкню башын керти кесер.
- Тюзню ётмеги тюзде къалса да, тас болмаз.
- Кёбден умут этиб, аздан къуру къалма.
- Ёнгкюч къууана барыр, джылай келир.
- Аллахха ийнаннган кишини, Аллах онгдурур ишин.
- Адамны адамлыгъы къыйынлыкъда айгъакъланады.
- Эркишиге тары кебек танг кёрюнюр.
- Уясында не кёрсе, учханында аны этер.
- Иги сёз – джаннга азыкъ, аман сёз башха – къазыкъ.
- Ойнай билмеген, уруб къачар.
- Джолунга кёре – джюрюшюнг, джагъанга кёре – юлюшюнг.
- Тюкюрюк баш джармаз, налат кёз чыгъармаз!
- Ишлегенде эринме, ишде чолакъ кёрюнме.
- Къызгъанчдан ычхыныр, мухардан ычхынмаз.
- Чомартха Тейри да борчлуду.
- Ёлмесенг да, къарт дамы болмазса?
- Хунаны тюбюн къазсанг, юсюнге ауар.
- Тил джюрекге джол ишлейди.
- Ашлыкъ – бюртюкден, джюн – тюкден.
- Байлыкъ тауусулур, билим тауусулмаз.
- Дуния аламаты сен эсенг да, игиме деб айтма.
- Ким бла джюрюсенг, аны кёзю бла кёрюнюрсе.
- Аджалсыз ёлюм болмаз.
- Ауурну тюбю бла, дженгилни башы бла джюрюген.
- Ёгюзню мюйюзюнден тутадыла, адамны сёзюнден тутадыла.
- Башсыз урчукъ тюзюне айланмаз.
- Аман къатын алгъан, арыр, иги къатын алгъан джарыр.
- Этек чакъмакълары баш джаргъан, сёлешген сёзлери таш джаргъан.
- Кёпюр салгъан кеси ётер, уру къазгъан кеси кетер.
- Акъылсызны джууукъгъа алма, акъыллыны кенгнге салма.
- Соргъан айыб тюлдю, билмеген айыбды.
- Байлыкъдан саулукъ ашхыды.
- Кёлю джокъну – джолу джокъ.
- Ашатыргъа иш – ашхы, ишлетирге аш – ашхы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72