- Алма терегинден кери кетмез.
- Ётюрюкню башын керти кесер.
- Аурууну келиую тынч, кетиую – къыйын.
- Аллахдан тилесенг, кёб тиле.
- Аджашханны ызындагъы кёреди, джангылгъанны джанындагъы биледи.
- Биреуню тёрюнден, кесинги эшик артынг игиди.
- Тойгъандан сора, ашны сёкме.
- Сакъалы текени да бар, мыйыгъы киштикни да бар.
- Тил бла келеди джыр да.
- Аман къатын сабий табса, бий болур…
- Элиб деген, элге болушур.
- Кёпюр салгъан кеси ётер, уру къазгъан кеси кетер.
- Урама да – ёледи, сатама да – келеди.
- Тилчи тилден къаныкъмаз.
- Сормай – алма, чакъырылмай – барма.
- Кенгеш болса, уруш болмаз.
- Тели турса – той бузар.
- Байма, деб да, къууанма, джарлыма, деб да, джылама.
- Нёгерсизни джолу узун.
- Къарт болгъан джерде, берекет болур, сабий болгъан джерде, оюн болур.
- Билимли ёлмез, билимсиз кёрмез.
- Адам сёзге тынгыла, акъыл сёзню ангыла.
- Керек ташны ауурлугъу джокъ.
- Сабыр джетер муратха, сабырсыз къалыр уятха.
- Аууз сакълагъан – джан сакълар.
- Ауузу бла къуш тута айланады.
- Баргъанынга кёре болур келгенинг.
- Билмезни кёзю кёрмез, этмезни къулагъы эшитмез.
- Чакъырылмай келген къонакъ сыйланмай кетер.
- Байлыкъ адамны сокъур этер.
- Рысхысына кёре, джаш ёсер, къышлыгъына кёре, мал ёсер.
- Илму – джашауну джолу.
- Айтхан – тынч, этген – къыйын.
- Бек ашыкъгъан меннге джетсин, дегенди аракъы.
- Бал ашаргъа сюе эсенг, чибин ургъаннга тёз.
- Тамчы таш тешер.
- Насыблы элин сюер, насыбсыз кесин сюер.
- Агъач халкъгъа алтынды, иссиликге салкъынды.
- Къартха ушагъан джаш – акъыллы, джашха ушагъан къарт – тели.
- Сагъышы джокъ – джукъучу, акъылы джокъ – къаугъачы.
- Эшекге миннген – биринчи айыб, андан джыгъылгъан – экинчи айыб.
- Тау башында, тау болмаз, джангыз терек, бау болмаз.
- Тойгъа алгъа да барма, тойда артха да къалма.
- Кёб джашагъан – кёб билир.
- Джюз элде джюз ёгюзюм болгъандан эсе, джюз джууугъум болсун.
- Азыкъ аз болса, эртде орун сал.
- Сёз – кюмюш, джыр – алтын.
- Чабакъгъа акъыл, табагъа тюшсе келеди.
- Эл ауузу – элек, анга ийнаннган – халек.
- Кирсизни – саны таза, халалны – къаны таза.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72