- Уллу сёзде уят джокъ.
- Кёзню ачылгъаны – иги, ауузну джабылгъаны – иги.
- Ачыу алгъа келсе, акъыл артха къалады.
- Уруну арты – къуру.
- Бюгюн дуния кибик, тамбла ахыратды.
- Аллахдан тилесенг, кёб тиле.
- Артына баргъанны, къатына барма.
- Чомартны къолу берекет.
- Намыс сатылыб алынмайды.
- Кёб джашагъан – кёб билир.
- Борчунг бар эсе, хурджунунга ойлаб узал.
- Миллетни бойну – базыкъ, аны бла кюрешген – джазыкъ.
- Телини эшигин, махтау джабар.
- Экиндини кеч къылсанг, чабыб джетер ашхам.
- Баланы адам этген анады.
- Тил джюрекге джол ишлейди.
- Айраннга суу къош, телиге джол бош.
- Джахил болса анасы, не билликди баласы?
- Ишге юренсин къоллары, халкъ бла болсун джоллары.
- Билимли ёлмез, билимсиз кёрмез.
- Халкъгъа джарагъан, джарлы къалмаз.
- Тилчи тилден къаныкъмаз.
- Алим болгъандан эсе, адам болгъан къыйынды.
- Чакъырылмагъан джерге барма, чакъырылгъан джерден къалма.
- Адамны сыфатына къарама, сёзюне къара.
- Чабакъгъа акъыл, табагъа тюшсе келеди.
- Аман къатын сабий табса, бий болур…
- Нафысынгы айтханын этме, намысынгы айтханын эт.
- Ат да турмайды бир териде.
- Ётюрюкчюню шагъаты – къатында.
- Къатын байлыкъны сюер, эр саулукъну сюер.
- Кёб джат да, бек чаб.
- Халкъны джырын джырласанг, халкъ санга эжиу этер.
- Ойнай билмеген, оюн бузар.
- Бастасын ашагъан, хантусун да ичер.
- Кенгеш болса, уруш болмаз.
- Кёл ашады да, кеси ашады.
- Аууз сакълагъан – джан сакълар.
- Дууулдаса – бал чибин, къонса – къара чибин.
- Хар адамгъа кеси миннген тау кибик.
- Къумурсхала джыйылсала, пилни да джыгъадыла.
- Джашлыкъ этмеген, башлыкъ этмез.
- Окъдан джара эртде-кеч болса да бителир, сёз джара, ёмюрге къалыр.
- Тынгылагъан тынгы бузар.
- Тас болгъан бычакъны сабы – алтын.
- Чабакъ башындан чирийди.
- Хаухну атма, ёнгкючню сатма.
- Ачлыкъда тары гырджын халыуадан татлы.
- Биреу къой излей, биреу той излей.
- Ётген ёмюр – акъгъан суу.
Профиль
|
|
|
|||