- Билгенни къолу къарны джандырыр.
- Джюрек кёзден алгъа кёрюр.
- Терслик кетер, тюзлюк джетер.
- Хата – гитчеден.
- Тил – кесген бычакъ, сёз – атылгъан окъ.
- Къартха ушагъан джаш – акъыллы, джашха ушагъан къарт – тели.
- Ёпкелегенни ашы татлы болады.
- Суу кетер, таш къалыр.
- Алим болгъандан эсе, адам болгъан къыйынды.
- Ичимден чыкъды хата, къайры барайым сата?
- Ариу сёзде ауруу джокъ.
- Адам сёзге тынгыла, акъыл сёзню ангыла.
- Джырчы ёлсе, джыры къалыр.
- Огъурлуну сёзю – суу, огъурсузну сёзю – уу.
- Аманны къуугъан, аманлыкъ табар.
- Сакъ юйюне сау барыр.
- Къууут – джелге, берне – бошха.
- Ачылгъан эт джабылыр, кёрген кёз унутмаз.
- Таукел къуру къалмаз.
- Намыс болмагъан джерде, насыб болмаз.
- Кенгеш болса, уруш болмаз.
- Ханы къызы буюгъа-буюгъа киштик болду.
- Сютден ауузу кюйген, суугъа юфгюре эди.
- Ашатыргъа иш – ашхы, ишлетирге аш – ашхы.
- Чомарт къолда мал къалмаз.
- Илму – джашауну джолу.
- Гыдай эчки суугъа къараб, мюйюзле кёрмесе, джашма алкъын, дегенди.
- Чоюнну башы ачыкъ болса, итге уят керекди.
- Ойнай-ойнай кёз чыгъар.
- Махтаннган къыз, тойда джукълар.
- Адамны аманы адамны бети бла ойнар.
- Бозанг болмагъан джерге, къалагъынгы сукъма.
- Эшекге миннген – биринчи айыб, андан джыгъылгъан – экинчи айыб.
- Джаным-тиним – окъуу, билим.
- Къонакъ аз олтурур, кёб сынар.
- Акъыллы эркиши атын махтар, акъылсыз эркиши къатынын махтар.
- Мал тутхан – май джалар.
- Ариу сёз – джаннга азыкъ, аман сёз – башха къазыкъ.
- Къатыны харакетли болса, эри къымсыз болур.
- Ишлемеген – тишлемез.
- Тюзлюк тас болмайды.
- Элиб деген, элге болушур.
- Тёрдеги кюлсе, эшикдеги ышарыр.
- Джарлы эскисин джамаса, къууаныр.
- Биреуге аманлыкъны тилеме да, кесинге ашхылыкъны тиле.
- Экеулен сёлеше тура эселе, орталарына барыб кирме.
- Тай асырагъан, атха минер.
- Кесинге джетмегенни, кёб сёлешме.
- Асхат ашлыкъ сата, юйдегиси ачдан къата.
- Бети къызарыучу адамны, джюреги харам болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72