- Ана кёлю – балада, бала кёлю – талада.
- Ауузу аманнга «иги», деме.
- Сакъалы текени да бар, мыйыгъы киштикни да бар.
- Къошда джокъгъа – юлюш джокъ.
- Айраннга суу къош, телиге джол бош.
- Джеринден айырылгъан – джети джылар, джуртундан айырылгъан – ёлгюнчю джылар.
- Шапа кёб болса, аш татымсыз болур.
- Ата Джуртуму башы болмасам да, босагъасында ташы болайым.
- Адамны аты башхача, акъылы да башхады.
- Тойну къарнашы – харс, джырны къарнашы – эжиу.
- Тенгинг джокъ эсе – изле, бар эсе – сакъла!
- Джашны джигитлиги сорулур, къызны джигерлиги сорулур.
- Урунуу – насыбны анасы.
- Кюн кёрмеген, кюн кёрсе, кюндюз чыракъ джандырыр.
- Кеси юйюмде мен да ханма.
- Къартха ушагъан джаш – акъыллы, джашха ушагъан къарт – тели.
- Къралынгы – душмандан, башынгы от бла суудан сакъла.
- Адамгъа аман кюн соруб келмейди.
- Кёрмегеннге кебек – танг, битмегеннге сакъал – танг.
- Мени джылытмагъан кюн, меннге тиймесин!
- Бети къызарыучу адамны, джюреги харам болмаз.
- Адеби болмагъан къыз – тузсуз хант.
- Арыгъан къош чамчы болур.
- Бозанг болмагъан джерге, къалагъынгы сукъма.
- Кёбге таш атма.
- Игилик игилик бла сингдирилиучю затды.
- Эринчекге кюн узун.
- Хантына кёре тузу, юйюне кёре къызы.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Аллахха ийнаннган кишини, Аллах онгдурур ишин.
- Ашыкъгъанны этеги бутуна чырмалыр.
- Ариу сёз – джаннга азыкъ, аман сёз – башха къазыкъ.
- Кимни – тили, тиши онглу, кимни – къолу, иши онглу.
- Нарт сёз – тилни бети.
- Агъач халкъгъа алтынды, иссиликге салкъынды.
- Ёксюзню къалачы уллу кёрюнюр.
- Тойгъандан сора, ашны сёкме.
- Тау башында, тау болмаз, джангыз терек, бау болмаз.
- Юре билмеген ит, къонакъ келтирир.
- Экеу тутушса, биреу джыгъылыр.
- Экиндини кеч къылсанг, чабыб джетер ашхам.
- Таула не мийик болсала да, аууш табылыр.
- Ашхы тенг джолгъа салыр, аман тенг джолдан тайдырыр.
- Къайгъыны сюйген, къайгъы табар.
- Атлыны кёрсе, джаяуну буту талыр.
- Биреу къой излей, биреу той излей.
- Сакъламагъан затынга джолукъсанг, не бек къууанаса, не бек ачыйса.
- Керек ташны ауурлугъу джокъ.
- Джиби бир къат джетмей эди да, эки къат тарта эди.
- Аякъларынгы джууургъанынга кёре узат.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72