- Ёксюзню тилеги къабыл болур.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Кёбге таш атма.
- Джаз бир кюнню джатсанг, къыш талай кюнню абынырса.
- Бал ашаргъа сюе эсенг, чибин ургъаннга тёз.
- Байлыкъ келсе, акъыл кетер.
- Киштикге къанат битсе, чыпчыкъ къалмаз эди.
- Тёрдеги кюлсе, эшикдеги ышарыр.
- Джеринден айырылгъан – джети джылар, джуртундан айырылгъан – ёлгюнчю джылар.
- Джашны джигитлиги сорулур, къызны джигерлиги сорулур.
- Акъылсызны джууукъгъа алма, акъыллыны кенгнге салма.
- Джол бла сёзню къыйыры джокъ.
- Ётюрюкден тюбю джокъ, кёлтюрюрге джиби джокъ.
- Эм ашхы къайын ана мамукъ бла башынгы тешер.
- Ач, тоймам, дейди, тойгъан, ач болмам, дейди.
- Хазыр ашха – терен къашыкъ.
- Акъыллы – эл иеси, тели – эл баласы.
- Эри аманны, къатыны – аман.
- Суу ичген шауданынга тюкюрме.
- Аман хансны – урлугъу кёб.
- Къарын къуру болса, джюрек уру болур.
- Ёгюзню мюйюзюнден тутадыла, адамны сёзюнден тутадыла.
- Кюлме джашха – келир башха.
- Ауругъан – джашаудан умутчу.
- Агъач – джерни чырайы, кийим – эрни чырайы.
- Джарлыны тону джаз битер.
- Аман адам этегингден тутса, кес да къач.
- Адеб этмеген, адеб кёрмез.
- Бал – татлы, балдан да бала – татлы.
- Чабакъ башындан чирийди.
- Тёгюлген тюгел джыйылмайды.
- Телиге от эт десенг, юйюнге от салыр.
- Тик ёргени, тик энгишгеси да болады.
- Чабакъгъа акъыл, табагъа тюшсе келеди.
- Тенгинг джокъ эсе – изле, бар эсе – сакъла!
- Этек чакъмакълары баш джаргъан, сёлешген сёзлери таш джаргъан.
- Чакъырылмагъан джерге барма, чакъырылгъан джерден къалма.
- Къарыусузгъа кюлме, онгсузгъа тийме.
- Эрине къаргъыш этген къатын, эрнин къабар.
- Эркиши – от, тиширыу – суу.
- Ойнай билмеген, уруб къачар.
- Эки элинги тыйсанг, джети элде махталырса.
- Хунаны тюбюн къазсанг, юсюнге ауар.
- Къайгъыны сюйген, къайгъы табар.
- Юйлю уругъа ит чабмаз.
- Ашхы атаны – джашы ашхы, ашхы ананы – къызы ашхы.
- Ана кёлю – балада, бала кёлю – талада.
- Шайтан алдады, тюзлюк къаргъады.
- Асхат ашлыкъ сата, юйдегиси ачдан къата.
- Аман эсирсе, юйюн ояр.
Профиль
|
|
|||