- Аманны эки битли тону болур, бирин сеннге кийдирир, бирин кеси киер.
- Билим насыб берир, билим джолну керир.
- Тил джюрекге джол ишлейди.
- Тамбла алтындан бюгюн багъыр ашхы.
- Эки ойлашыб, бир сёлешген.
- Арбаз къынгырды да, ийнек сауалмайма.
- Таукел адам тау тешер.
- Хата – гитчеден.
- Башда акъыл болмаса, эки аякъгъа кюч джетер.
- Аджашханны ызындагъы кёреди, джангылгъанны джанындагъы биледи.
- Сагъыш – къартлыкъгъа сюйюмчю.
- Ким бла джюрюсенг, аны кёзю бла кёрюнюрсе.
- Джырчы ёлсе, джыры къалыр.
- Иги джашны ышаны – аз сёлешиб, кёб тынгылар.
- Ач уят къоймаз.
- Чёбню кёлтюрсенг, тюбюнден сёз чыгъар.
- Билим – акъылны чырагъы.
- Керилген да, ургъан кибикди.
- Адеб джокъда, намыс джокъ.
- Адамны аты башхача, акъылы да башхады.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тойну къарнашы – харс, джырны къарнашы – эжиу.
- Аз айтсам, кёб ангылагъыз.
- Къолунгдан къуймакъ ашатсанг да, атаны борчундан къутулмазса.
- Биреуге аманлыкъны тилеме да, кесинге ашхылыкъны тиле.
- Халкъгъа джарагъан, джарлы къалмаз.
- Акъыл бла адеб эгизледиле.
- Акъыл неден да кючлюдю.
- Оюмсуз атлагъан, аджалсыз ёлюр.
- Соргъан айыб тюлдю, билмеген айыбды.
- Къарнынг ауруса, ауузунгу тый
- Айныгъанлы алты кюн, тогъайгъанлы тогъуз кюн.
- Къарнынг бла ёч алма.
- Къарын къуру болса, джюрек уру болур.
- Билмейме деген – бир сёз
- Къалгъан ишге къар джауар.
- Эл ауузу – элек, анга ийнаннган – халек.
- Иги болса, тамадама – махтау, аман болса, меннге – айыб.
- Аман хансны – урлугъу кёб.
- Огъурлуну сёзю – суу, огъурсузну сёзю – уу.
- Этим кетсе да, сюегим къалыр.
- Къызны минг тилер, бир алыр.
- «Ма», - дегенни билмесенг, «бер», - дегенни билмезсе.
- Кёзюнде тереги болгъан, чёбю болгъаннга кюле эди.
- Ата Джуртун танымагъан, атасын да танымаз.
- Къызбайны юйюне дери сюрсенг, батыр болур.
- Айраннга суу къош, телиге джол бош.
- Чомартны къолу берекет.
- Итли къонакъ джарашмаз.
- Ишге юренсин къоллары, халкъ бла болсун джоллары.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72