- Къуллукъчума, деб махтанма, къуллукъ – хаух джамчыды!
- Эринчекни эр алмаз, эр алса да, кёл салмаз, кёл салса да, кёб бармаз!
- Чомарт къолда мал къалмаз.
- Ашхы адам – халкъ байлыгъы, ашхы джер – джашау байлыгъы.
- Баш – акъыл ючюн, акъылман – халкъ ючюн.
- Къар – келтирди, суу – элтди.
- Къатын къылыкъсыз, эр тынчлыкъсыз.
- Биреуге аманлыкъны тилеме да, кесинге ашхылыкъны тиле.
- Ач отунчуну ачыуу – бурнунда.
- Этек чакъмакълары баш джаргъан, сёлешген сёзлери таш джаргъан.
- Тулпарлыкъ, билекден тюл – джюрекден.
- Тыш элде солтан болгъандан эсе, кесинги элде олтан болгъан игиди!
- Аджашханны ызындагъы кёреди, джангылгъанны джанындагъы биледи.
- Эртде тургъан бла эртде юйленнген сокъуранмаз.
- Зар адам ашынгы ашар, кесинги сатар.
- Урунуу – насыбны анасы.
- Накъырданы арты керти болур.
- Атынг аманнга чыкъгъандан эсе, джанынг тамагъынгдан чыкъсын.
- Ач, тоймам, дейди, тойгъан, ач болмам, дейди.
- Намысы джокъну – дуниясы джокъ.
- Айтылгъан сёз ызына къайтмаз.
- Аманны эки битли тону болур, бирин сеннге кийдирир, бирин кеси киер.
- Илму – джашауну джолу.
- Таугъа чыгъаллыкъ эсенг, тюзде къалма.
- Ашхы тенг джолгъа салыр, аман тенг джолдан тайдырыр.
- Хантына кёре тузу, юйюне кёре къызы.
- Джеринден айырылгъан – джети джылар, джуртундан айырылгъан – ёлгюнчю джылар.
- Кюл тюбюндеги от кёрюнмейди.
- Аш иеси бла татлыды.
- Ашхы – джыяр, аман – джояр.
- Къартны бурнун сюрт да, оноугъа тут.
- Шапа кёб болса, аш татымсыз болур.
- Кёб ант этген, кёб ётюрюк айтыр.
- Ётюрюкчюню шагъаты – къатында.
- Джогъун бар этген, барын бал этген.
- Аурууну келиую тынч, кетиую – къыйын.
- Кийиминг бла танылма, адамлыкъ бла таныл.
- Ёзденликни кёбю ётюрюк.
- Азыкъ аз болса, эртде орун сал.
- Кюн – узун, ёмюр – къысха.
- Билмейме деген – бир сёз
- Ач къалгъандан, кеч къалгъан къолай.
- Ашха уста, юйюнде болсун
- Асхат ашлыкъ сата, юйдегиси ачдан къата.
- Окъ къызбайны джокълайды.
- Эрни эр этерик да, къара джер этерик да, тиширыуду.
- Джетген къыз джерли эшекни танымаз.
- Ач бёрюге мекям джокъ.
- Айранны сюйген, ийнек тутар.
- Адам бла мюлк юлешмеген эсенг, ол адамны билиб бошагъанма, деб кесинги алдама.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72