- Суу кетер, таш къалыр.
- Къар – келтирди, суу – элтди.
- Иги болса, тамадама – махтау, аман болса, меннге – айыб.
- Эл бла кёргенинг эрелей.
- Башланнган иш битер, къымылдагъан тиш тюшер.
- Эшекни не къадар тюйсенг да, ат болмаз.
- Ана – юйню кюн джарыгъы.
- Ханы къызы буюгъа-буюгъа киштик болду.
- Сёз – кюмюш, джыр – алтын.
- Кёл – къызбай, къол – батыр.
- Джолда аягъынга сакъ бол, ушакъда тилинге сакъ бол.
- Башсыз урчукъ тюзюне айланмаз.
- Тыш элде солтан болгъандан эсе, кесинги элде олтан болгъан игиди!
- Акъыл сабырлыкъ берир.
- Мухар, кеси тойса да, кёзю тоймаз.
- Арба аугъандан сора, джол кёргюзтюучю кёб болур.
- Сибиртки да сыйлы болду, кюрек да кюнлю болду.
- Акъыл неден да кючлюдю.
- Окъ къызбайны джокълайды.
- Акъыллы – эл иеси, тели – эл баласы.
- Къалгъан ишге къар джауар.
- Ишни ахырын ойламай, аллын башлама.
- Къартны бурнун сюрт да, оноугъа тут.
- Чомарт къонакъ юй иесин сыйлар.
- Тиширыусуз юй – отсуз от джагъа.
- Адамны сабийин сюйген джюреги, бычакъча, джитиди.
- Акъыл къартда, джашда тюйюлдю – башдады.
- Аманнга да, игиге да оноусуз къатышма.
- Иги адамны бир сёзю эки болмаз.
- Къыз тиширыу кеси юйюнде да къонакъды.
- Ата – билек, ана – джюрек!
- Къызны минг тилер, бир алыр.
- Биреуге аманлыкъны тилеме да, кесинге ашхылыкъны тиле.
- Ач къарынны, токъ билмез
- Эр абынмай, эл танымаз.
- Тилде сюек болмаса да, сюек сындырыр.
- Къанны къан бла джуума, аманны аман бла къуума.
- Хар сёзню орну барды.
- Джигер – джаннга къыйынлыкъ.
- Алтыда кюлмеген, алтмышда кюлмез.
- Ач – эснер, ат – кишнер.
- Джыгъылгъанны сырты джерден тоймаз.
- Ишлемеген – тишлемез.
- Бал чибинни ургъаны – ачы, балы – татлы.
- Халкъны джырын джырласанг, халкъ санга эжиу этер.
- Эл ауузу – элия.
- Къолунгдан къуймакъ ашатсанг да, атаны борчундан къутулмазса.
- Тилчи тилден къаныкъмаз.
- Тёзген – тёш ашар!
- Акъыллы айтыр эди, акъылсыз къоймайды.
Профиль
|
|
|||