- Сабыр джетер муратха, сабырсыз къалыр уятха.
- Джашынгы кесинг юретмесенг, джашау юретир.
- Окъдан джара эртде-кеч болса да бителир, сёз джара, ёмюрге къалыр.
- Накъырда – кертини келечиси.
- Аманны эки битли тону болур, бирин сеннге кийдирир, бирин кеси киер.
- Башы джабылгъан челекге, кир тюшмез.
- Билмегенинги, билгеннге сор.
- Ишлерге уял да, ашаргъа табма.
- Сабийни джумушха джибер да, ызындан бар.
- От кюйдюрген, сау болса да, тот кюйдюрген, сау болмаз.
- Эшекни не къадар тюйсенг да, ат болмаз.
- Ач къарным, тынч къулагъым.
- Тойгъа алгъа да барма, тойда артха да къалма.
- Байма, деб да, къууанма, джарлыма, деб да, джылама.
- Къатыны харакетли болса, эри къымсыз болур.
- Адамны адамлыгъы къыйынлыкъда айгъакъланады.
- Ёнгкюч къууана барыр, джылай келир.
- Аурууну келиую тынч, кетиую – къыйын.
- Адам сёзюнден белгили.
- Байны къызы баймакъ болса да, юйде къалмаз!
- Эки элинги тыйсанг, джети элде махталырса.
- Адамны артындан къара сабан сюрме.
- Урунуу – насыбны анасы.
- Джангызны оту джарыкъ джанмаз!
- Акъыл сабырлыкъ берир.
- Къууут – джелге, берне – бошха.
- Тели турса – той бузар.
- Чыкълы кюнде чыкъмагъан, чыкъса къуру кирмеген.
- Бермеген къол, алмайды.
- Ат басханны джер билед.
- Бюгюн дуния кибик, тамбла ахыратды.
- Кесине оноу эте билмеген, халкъына да эте билмез.
- Эри аманны, къатыны – аман.
- Тил джюрекге джол ишлейди.
- Магъанасыз сёз – тауушсуз сыбызгъы.
- Азыкълы ат арымаз, къатыны аман джарымаз.
- Ханы къызы буюгъа-буюгъа киштик болду.
- Халкъны джырын джырласанг, халкъ санга эжиу этер.
- Ашын ашагъанынгы, башын да сыйла.
- Адам сёзге тынгыла, акъыл сёзню ангыла.
- Ариу сёз – къылычдан джити.
- Эки къатын алгъан – эки ташны ортасына башын салгъан.
- Къарын къуру болса, джюрек уру болур.
- Джолунга кёре – джюрюшюнг, джагъанга кёре – юлюшюнг.
- Байны оноуу, джарлыгъа джарамаз.
- Сютню башын джалагъан къутулур, тюбюн ичген тутулур.
- Чабакъгъа акъыл, табагъа тюшсе келеди.
- Къарт бла баш аша, джаш бла аякъ аша.
- Ашаса, ашамаса да, бёрюню ауузу – къан.
- Кирсизни – саны таза, халалны – къаны таза.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72