- Уллу къашыкъ эрин джыртар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Келлик заман – къартлыкъ келтирир, кетген заман – джашлыкъ ёлтюрюр.
- Кёл – къызбай, къол – батыр.
- Джаханимни кёрмей, джандетге кёл салмазса.
- Босагъа таш юйге кирмей эди, тыбыр таш эшикге чыкъмай эди.
- Экеу тутушса, биреу джыгъылыр.
- Алтыннга тот къонмаз.
- Ач бёрюге мекям джокъ.
- Чакъырылмагъан джерге барма, чакъырылгъан джерден къалма.
- Элиб деген, элге болушур.
- Аджаллыгъа окъсуз шкок атылыр.
- Чабакъ башындан чирийди.
- Бек ашыкъгъан меннге джетсин, дегенди аракъы.
- Зарда марда джокъ.
- Къазанчы аман болса, къазаны къайнамаз.
- Таула не мийик болсала да, аууш табылыр.
- Джукъу тёшек сайламайды.
- Сагъышы джокъ – джукъучу, акъылы джокъ – къаугъачы.
- Ойнаб айтсанг да, эслеб айт.
- Джангыз торгъай джырламаз.
- Ачлыкъда тары гырджын халыуадан татлы.
- Эл ауузу – элия.
- Аякъларынгы джууургъанынга кёре узат.
- Борчунг бар эсе, хурджунунга ойлаб узал.
- Эри аманны, къатыны – аман.
- Дженгил джетерикме деб, узун джолну къоюб, къысхасын барма.
- Иги болса, тамадама – махтау, аман болса, меннге – айыб.
- Кёбден умут этиб, аздан къуру къалма.
- Кесинг сынамагъан затны, адамгъа буюрма.
- Ким бла джюрюсенг, аны кёзю бла кёрюнюрсе.
- Ёлюр джаннга, ёкюл джокъ.
- Джахил болса анасы, не билликди баласы?
- Мени джылытмагъан кюн, меннге тиймесин!
- Акъыл бла адеб эгизледиле.
- Адамны джюреги нени кёрюрге сюйсе, кёзю да аны кёрюрге ёч болады.
- Атлыны кёрсе, джаяуну буту талыр.
- Болджал ишни бёрю ашар.
- Артына баргъанны, къатына барма.
- Уллу атлама – абынырса, уллу къабма – къарылырса.
- Бастасын ашагъан, хантусун да ичер.
- Ашхы тенг джолгъа салыр, аман тенг джолдан тайдырыр.
- Ач уят къоймаз.
- Айран ичген – къутулду, джугъусун джалагъан – тутулду.
- Къартны бурнун сюрт да, оноугъа тут.
- Ашда – бёрю, ишде – ёлю.
- Билимсиз иш бармаз.
- Арба аугъандан сора, джол кёргюзтюучю кёб болур.
- Къонакъ болсанг, ийнакъ бол.
- Къуллукъчума, деб махтанма, къуллукъ – хаух джамчыды!
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72