Эльбрусоид :: Форум

Ашда – бёрю, ишде – ёлю.
Гитче джилтин уллу элни джандырыр.
Чабакъ башындан чирийди.
Аш кетер да бет къалыр.
Душманны тышы – акъ, ичи – къара.
Игиге айтсанг – билир, аманнга айтсанг – кюлюр.
Аш берме да, къаш бер.
Тойгъан джерге джети къайт.
Адам къаллай бир ишленмесе, аллай бир кесин уллу кёреди.
Аууз сакълагъан – джан сакълар.
Байлыкъдан саулукъ ашхыды.
Ачылгъан эт джабылыр, кёрген кёз унутмаз.
Къайтырыкъ эшигинги, къаты уруб чыкъма.
Къыз келсе, джумуш эте келеди, къатын келсе, ушакъ эте келеди.
Босагъагъа джууукъ орун болса, ашыгъыб тёрге озма.
Эм ашхы къайын ана мамукъ бла башынгы тешер.
Ким бла джюрюсенг, аны кёзю бла кёрюнюрсе.
Джерни букъусу кёкге къонмаз.
Арыгъан къош чамчы болур.
Акъыллы эркиши атын махтар, акъылсыз эркиши къатынын махтар.
Алтыда кюлмеген, алтмышда кюлмез.
Уллу сёзде уят джокъ.
Сабий болмагъан джерде, мёлек болмаз.
Эки ойлашыб, бир сёлешген.
Иги болса, тамадама – махтау, аман болса, меннге – айыб.
Ёлмесенг да, къарт дамы болмазса?
Билим – акъылны чырагъы.
Къазанчы аман болса, къазаны къайнамаз.
Тамбла алтындан бюгюн багъыр ашхы.
Ашхы тенг джолгъа салыр, аман тенг джолдан тайдырыр.
Ёлген ийнек сютлю болур.
Къарнынг тойгъунчу аша да, белинг талгъынчы ишле.
Ариу сёз джыланны орнундан чыгъарыр.
Сабийни джумушха джибер да, ызындан бар.
Къатын къылыкъсыз, эр тынчлыкъсыз.
Билим ат болуб да чабар, къуш болуб да учар.
Ана къойну – балагъа джандет.
Кёб джат да, бек чаб.
Билеги кючлю, бирни джыгъар, билими кючлю, мингни джыгъар.
Азыкъ аз болса, эртде орун сал.
Айтхан сёзюне табылгъан.
Эки къатын алгъан – эки ташны ортасына башын салгъан.
Ишни аллы бла къууанма да, арты бла къууан.
Узун джолну барсанг, бюгюн келирсе, къысха джолну барсанг, тамбла келирсе.
Эринчекге кюн узун.
Чомарт джарлы болмаз.
Джумушакъ сёз къаты таякъны сындырыр.
Джарлыны эшигин махтагъан джабар.
Насыб бютеу халкъны юлюшюдю.
Акъыл неден да кючлюдю.

Логин:
Пароль:
	Запомнить меня на этом компьютере

Забыли свой пароль?
Регистрация