- Таш ата билмеген, башына урур.
- Келинин тута билмеген, къул этер, къызын тута билмеген, тул этер.
- Акъыл неден да кючлюдю.
- Душманны тышы – акъ, ичи – къара.
- Къонакъ кёб келюучю юйню, къазаны отдан тюшмез.
- Бети къызарыучу адамны, джюреги харам болмаз.
- Башланнган иш битер, къымылдагъан тиш тюшер.
- Болджал ишни бёрю ашар.
- Бек ашыкъгъан меннге джетсин, дегенди аракъы.
- Сабыр джетер муратха, сабырсыз къалыр уятха.
- Элде адам къалмаса, ит тахтагъа минер.
- Джыйырма къойну юч джыйырма эбзе кюте эди.
- Гугук кесини атын айтыб къычыргъанча, мен, мен деб нек тураса?
- Къатын байлыкъны сюер, эр саулукъну сюер.
- Ауурну тюбю бла, дженгилни башы бла джюрюген.
- Айтхан сёзюне табылгъан.
- Бёрю да ач къалмасын, эчки да ашалмасын.
- Ёзденликни кёбю ётюрюк.
- Тойгъа алгъа да барма, тойда артха да къалма.
- Биреуге кёлтюрген таягъынг, кесинги башынга урур.
- Дженгил джетерикме деб, узун джолну къоюб, къысхасын барма.
- Ана къолу ачытмаз.
- Джырчы джырчыгъа – къарнаш.
- Джюрекден джюрекге джол барды.
- Адеби болмагъан къыз – тузсуз хант.
- Татлы сёз – балдан татлы.
- Агъач халкъгъа алтынды, иссиликге салкъынды.
- Ёлюр джаннга, ёкюл джокъ.
- Акъыллы – эл иеси, тели – эл баласы.
- Сабийни джумушха джибер да, ызындан бар.
- Тёрени джагъы джокъ.
- Тура эдим джата, къайдан чыкъды хата?
- Илму – джашауну джолу.
- Джетген къыз джерли эшекни танымаз.
- Тилчиден кери бол.
- Шекер бла туз – бир болмаз, ушамагъан – юй болмаз.
- Ёнгкюч къууана барыр, джылай келир.
- Ёксюзню къалачы уллу кёрюнюр.
- Айран ичген – къутулду, джугъусун джалагъан – тутулду.
- Ашхылыкъ джерде джатмайды, аманлыкъ суугъа батмайды.
- Мал тутхан – май джалар.
- Джолда аягъынга сакъ бол, ушакъда тилинге сакъ бол.
- Адебсиз адам – джюгенсиз ат.
- Окъугъан озар, окъумагъан тозар.
- Къар – келтирди, суу – элтди.
- Сёз къанатсыз учар.
- Суугъа – таянма, джаугъа – ийнанма.
- Аманны къуугъан, аманлыкъ табар.
- Эринчекни аурууу – кёб.
- Къайгъыны сюйген, къайгъы табар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72