- Аз сёлешген, къайгъысыз турур.
- Адам къаллай бир ишленмесе, аллай бир кесин уллу кёреди.
- Биреуге аманлыкъ этиб, кесинге игилик табмазса.
- Билмегенинги, билгеннге сор.
- Таугъа чыгъаллыкъ эсенг, тюзде къалма.
- Сормай – алма, чакъырылмай – барма.
- Тойгъан джерден туугъан джер игиди.
- Эки итни арасына сюек атма, эки адамны арасында сёз чыгъарма.
- Байдан умут эте, джарлыдан ёгюз багъасы къорады.
- Кёб къычыргъандан – къоркъма, тынч олтургъандан – къоркъ.
- Олтуруб кёрюнмей эди да, ёрге туруб кёрюне эди.
- Къатын къылыкъсыз, эр тынчлыкъсыз.
- Акъыл бла адеб эгизледиле.
- Айтхан – тынч, этген – къыйын.
- Аякъларынгы джууургъанынга кёре узат.
- Джол бла сёзню къыйыры джокъ.
- Джашны джигитлиги сорулур, къызны джигерлиги сорулур.
- Ишлерге уял да, ашаргъа табма.
- Юй ишлеген балта эшикде къалыр.
- Джуртун къоругъан озар.
- Ач да бол, токъ да бол – намысынга бек бол.
- Ашына кёре табагъы, балына кёре къалагъы.
- Тойгъан антын унутур.
- Окъумагъан сокъурду, сокъур ташха абыныр!
- Ашда – бёрю, ишде – ёлю.
- Тил – кесген бычакъ, сёз – атылгъан окъ.
- Эр сокъур болсун, къатын тилсиз болсун.
- Итли къонакъ джарашмаз.
- Уруну арты – къуру.
- Джангыз торгъай джырламаз.
- Иги – алгъыш этер, аман – къаргъыш этер.
- Намыс болмагъан джерде, насыб болмаз.
- Болджал ишни бёрю ашар.
- От этилмеген джерден тютюн чыкъмайды.
- Этек чакъмакълары баш джаргъан, сёлешген сёзлери таш джаргъан.
- Илму – джашауну джолу.
- Къонакъ аман болса, къонакъбай джунчур
- Хаухну атма, ёнгкючню сатма.
- «Ма», - дегенни билмесенг, «бер», - дегенни билмезсе.
- Ашарыкъда сайлагъаннга – чий гырджын.
- Чомартха Тейри да борчлуду.
- Эм уллу байлыкъ – джан саулукъ.
- Таула не мийик болсала да, аууш табылыр.
- Ашхы тенг джолгъа салыр, аман тенг джолдан тайдырыр.
- Ичимден чыкъды хата, къайры барайым сата?
- Ачыкъ джюрекге джол – ачыкъ.
- Окъуусуз билим – джокъ, билимсиз кюнюнг – джокъ.
- Джаным-тиним – окъуу, билим.
- Къалгъан ишге къар джауар.
- Зар адам ашынгы ашар, кесинги сатар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72