- Керек ташны ауурлугъу джокъ.
- Гырджын – тепсини тамадасы.
- Хоншуну тауугъу къаз кёрюнюр, келини къыз кёрюнюр.
- Бети – къучакълар, джюреги – бычакълар.
- Аманнга алтын чыдамаз.
- Кюн кёрмеген, кюн кёрсе, кюндюз чыракъ джандырыр.
- Бюгюн дуния кибик, тамбла ахыратды.
- Суу кетер, таш къалыр.
- Чомарт бергенин айтмаз.
- Ауурну тюбю бла, дженгилни башы бла джюрюген.
- Къатын къылыкъсыз, эр тынчлыкъсыз.
- Ариу сёз – джаннга азыкъ, аман сёз – башха къазыкъ.
- Экеулен сёлеше тура эселе, орталарына барыб кирме.
- Джарлы эскисин джамаса, къууаныр.
- Аджашхан тёгерек айланыр.
- Джашны джигитлиги сорулур, къызны джигерлиги сорулур.
- Эл тойса, тоймагъан, эл къойса, къоймагъан.
- Ариу сёзде ауруу джокъ.
- Чомартны къолу берекет.
- Терслик кетер, тюзлюк джетер.
- Джеринден айырылгъан – джети джылар, джуртундан айырылгъан – ёлгюнчю джылар.
- Къан бла кирген, джан бла чыгъар.
- Акъыл бла адеб эгизледиле.
- Башда акъыл болмаса, эки аякъгъа кюч джетер.
- Сёлеш деб шай берген, тохта деб, сом берген.
- Азыкълы ат арымаз, къатыны аман джарымаз.
- Уллу къазанда бишген эт, чий къалмаз.
- Башланнган иш битер, къымылдагъан тиш тюшер.
- Магъанасыз сёз – тауушсуз сыбызгъы.
- Нёгерсизни джолу узун.
- Дуния малгъа сатылма, кесингден телиге къатылма.
- Харам къарнашдан, халал тенг ашхы.
- Хантына кёре тузу, юйюне кёре къызы.
- Къыз келсе, джумуш эте келеди, къатын келсе, ушакъ эте келеди.
- Билмегенинги, билгеннге сор.
- Юре билмеген ит, къонакъ келтирир.
- Айтхан – тынч, этген – къыйын.
- Къазанны башы ачыкъ болса, итге уят керекди.
- Урама да – ёледи, сатама да – келеди.
- Джуртун къоругъан озар.
- Орундукъ тюбюнде атылсам да, орта джиликме, де да айлан.
- Сагъыш – къартлыкъгъа сюйюмчю.
- Уллу айтханны этмеген – уллаймаз.
- Ойнай билмеген, уруб къачар.
- Кимни – тили, тиши онглу, кимни – къолу, иши онглу.
- Аман адам элни бир-бирине джау этер.
- Ашха уста, юйюнде болсун
- Кирсизни – саны таза, халалны – къаны таза.
- Орну джокъну – сыйы джокъ.
- Къыйынлы джети элге оноу этер.
Профиль
|
|
|||