- Джыйырма къойну юч джыйырма эбзе кюте эди.
- Башы ишлегенни, ауузу да ишлер.
- Тойгъан джерден туугъан джер игиди.
- Къатын къылыкъсыз, эр тынчлыкъсыз.
- Бир абыннган – минг сюрюнюр.
- Бойнуму джети джерден кессенг да, мен ол ишни этеллик тюлме.
- Сакъалы текени да бар, мыйыгъы киштикни да бар.
- Джаханимни кёрмей, джандетге кёл салмазса.
- Ана къойну – балагъа джандет.
- Къуллукъчума, деб махтанма, къуллукъ – хаух джамчыды!
- Ойнаб айтсанг да, эслеб айт.
- Билими азны – ауузунда кирит.
- Чакъырылмагъан джерге барма, чакъырылгъан джерден къалма.
- Тыш элде солтан болгъандан эсе, кесинги элде олтан болгъан игиди!
- Ётюрюкню башын керти кесер.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Керилген да, ургъан кибикди.
- Чомарт бергенин айтмаз.
- Этни да ашады, бетни да ашады.
- Эрине къаргъыш этген къатын, эрнин къабар.
- Келлик заман – къартлыкъ келтирир, кетген заман – джашлыкъ ёлтюрюр.
- Джырына кёре эжиую.
- Сагъышы джокъ – джукъучу, акъылы джокъ – къаугъачы.
- Бал ашаргъа сюе эсенг, чибин ургъаннга тёз.
- Кийиминг бла танылма, адамлыкъ бла таныл.
- Башланнган иш битер, къымылдагъан тиш тюшер.
- Ана – юйню кюн джарыгъы.
- Таула не мийик болсала да, аууш табылыр.
- Чарсда алчыны эл кёреди.
- Тойгъандан сора, ашны сёкме.
- Акъыл бла адеб эгизледиле.
- Ашха уста, юйюнде болсун
- Хатерли къул болур.
- Айтханы чапыракъдан ётмеген.
- Тамчы таш тешер.
- Артына баргъанны, къатына барма.
- Иги – алгъыш этер, аман – къаргъыш этер.
- Айранын берсенг, челегин да къызгъанма.
- Джиби бир къат джетмей эди да, эки къат тарта эди.
- Кюл тюбюндеги от кёрюнмейди.
- Къая джолда джортма, ачыкъ сёзден къоркъма.
- Танг атмайма десе да, кюн къоярыкъ тюйюлдю.
- Къралынгы – душмандан, башынгы от бла суудан сакъла.
- Аш хазыр болса, иш харам болур.
- Асхат ашлыкъ сата, юйдегиси ачдан къата.
- Ариу сёз джыланны орнундан чыгъарыр.
- Ач къалгъандан, кеч къалгъан къолай.
- Эски джаугъа ышанма.
- Илму – джашауну джолу.
- Кирсизни – саны таза, халалны – къаны таза.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72