Эльбрусоид :: Форум :: Архив форумов

Хантына кёре тузу, юйюне кёре къызы.
Аз сёлеш, кёб ишле.
Дуния мал дунияда къалады.
Ойнай билмеген, уруб къачар.
Арыгъан къош чамчы болур.
Иши джокъну, сыйы джокъ.
Адеб джокъда, намыс джокъ.
Элиб деген, элге болушур.
Сёз садакъдан кючлюдю.
Тилде сюек болмаса да, сюек сындырыр.
Бермеген къол, алмайды.
Алтыннга тот къонмаз.
Суугъа – чабакъ, къаягъа – ыргъакъ.
Миллетни бойну – базыкъ, аны бла кюрешген – джазыкъ.
Биреу къой излей, биреу той излей.
Ушамагъан – джукъмаз.
Ашыкъгъанны этеги бутуна чырмалыр.
Уруну арты – къуру.
Чакъырылмагъан къонакъ – орунсуз.
Тешик этген тынчды, аны джамагъан къыйынды.
Ётюрюкню къуйругъу – бир тутум.
Къызгъанчдан ычхыныр, мухардан ычхынмаз.
Соргъан айыб тюлдю, билмеген айыбды.
Тилчи тилден къаныкъмаз.
Билимсиз иш бармаз.
Иги адамны бир сёзю эки болмаз.
Акъыл сабырлыкъ берир.
Бетинги сатма, малынгы сат.
Эри аманны, къатыны – аман.
Тенги кёбню джау алмаз, акъылы кёбню дау алмаз.
Этни да ашады, бетни да ашады.
Эки къатын алгъанны къулагъы тынгнгаймаз.
Къазанчы аман болса, къазаны къайнамаз.
Кёб ант этген, кёб ётюрюк айтыр.
Къарнынг тойгъунчу аша да, белинг талгъынчы ишле.
Чыкълы кюнде чыкъмагъан, чыкъса къуру кирмеген.
Къонакъны къачан кетерин сорма, къачан келлигин сор.
Акъылсызны джууукъгъа алма, акъыллыны кенгнге салма.
Юйюнг бла джау болгъандан эсе, элинг бла джау бол.
Джангызны оту джарыкъ джанмаз!
Мал ёлсе, сюек къалыр, адам ёлсе, иши къалыр.
Аман хансны – урлугъу кёб.
Сакъалы текени да бар, мыйыгъы киштикни да бар.
Къуллукъчума, деб махтанма, къуллукъ – хаух джамчыды!
Бек ашыкъгъан меннге джетсин, дегенди аракъы.
Айраннга суу къош, телиге джол бош.
Къатын байлыкъны сюер, эр саулукъну сюер.
Тау башында, тау болмаз, джангыз терек, бау болмаз.
Ашхы адам – халкъ байлыгъы, ашхы джер – джашау байлыгъы.
Бал чибинни ургъаны – ачы, балы – татлы.

Логин:
Пароль:
	Запомнить меня на этом компьютере

Забыли свой пароль?
Регистрация