- Чыкълы кюнде чыкъмагъан, чыкъса къуру кирмеген.
- Къатын къылыкъсыз, эр тынчлыкъсыз.
- Сууда джау джокъ, кёб сёзде магъана джокъ.
- Кёб джат да, бек чаб.
- Джырына кёре эжиую.
- Хазыр ашха – терен къашыкъ.
- Адебсиз адам – джюгенсиз ат.
- Элге къуллукъ этмеген, элге ие болмаз.
- Джахил болса анасы, не билликди баласы?
- Джыгъылгъанны сырты джерден тоймаз.
- Аджалсыз ёлюм болмаз.
- Таш ата билмеген, башына урур.
- Къоркъакъны кёзю экили кёрюр.
- Баланы адам этген анады.
- Байдан умут эте, джарлыдан ёгюз багъасы къорады.
- Тешик этген тынчды, аны джамагъан къыйынды.
- Таукел къуру къалмаз.
- Тюзлюк тас болмайды.
- Кимни – тили, тиши онглу, кимни – къолу, иши онглу.
- Джашда акъыл джокъ, къартда къарыу джокъ.
- Чыбыкълыкъда бюгюлмеген, къазыкълыкъда бюгюлмей эди.
- От кюйдюрген, сау болса да, тот кюйдюрген, сау болмаз.
- Джюз элде джюз ёгюзюм болгъандан эсе, джюз джууугъум болсун.
- Ата – билек, ана – джюрек!
- Джашлыкъ этмеген, башлыкъ этмез.
- Къуллукъчума, деб махтанма, къуллукъ – хаух джамчыды!
- Алтыда кюлмеген, алтмышда кюлмез.
- Эли джокъну – кёлю джокъ.
- Адамгъа аман кюн соруб келмейди.
- Айтханы чапыракъдан ётмеген.
- Нарт сёз къарт болмаз.
- Бозаны арты дауур болур.
- Ариу джол аджал келтирмез.
- Ишлегенде эринме, ишде чолакъ кёрюнме.
- Намыс сатылыб алынмайды.
- Джиби бир къат джетмей эди да, эки къат тарта эди.
- Ёмюрлюк шохлукъну джел элтмез.
- Байлыкъ адамны сокъур этер.
- Эте билген, этген этеди, эте билмеген, юретген этеди!
- Тиширыусуз юй – отсуз от джагъа.
- Гугурук къычырмаса да, тангны атары къалмаз.
- Хантына кёре тузу, юйюне кёре къызы.
- Ашхы тенг джолгъа салыр, аман тенг джолдан тайдырыр.
- Игини сыйлагъан адетди.
- Джаралыны джастыгъында сау ёлюр.
- Игиге айтсанг – билир, аманнга айтсанг – кюлюр.
- Мухарны эси – ашарыкъда.
- Мухардан ач ычхынмаз.
- Ушамагъан – джукъмаз.
- Айран ичген – къутулду, джугъусун джалагъан – тутулду.
Профиль
|
|
|||