- Ётюрюкден тюбю джокъ, кёлтюрюрге джиби джокъ.
- Сагъышы джокъ – джукъучу, акъылы джокъ – къаугъачы.
- Садакъачыны джаны – къапчыгъында.
- Къуллукъчума, деб махтанма, къуллукъ – хаух джамчыды!
- Агъач халкъгъа алтынды, иссиликге салкъынды.
- Келлик заман – къартлыкъ келтирир, кетген заман – джашлыкъ ёлтюрюр.
- Адеб джокъда, намыс джокъ.
- Къуру гыбыт бек дыгъырдар.
- Айныгъанлы алты кюн, тогъайгъанлы тогъуз кюн.
- Сакъ юйюне сау барыр.
- Ана къойну – балагъа джандет.
- Билимсиз иш бармаз.
- Ёлген эшек бёрюден къоркъмайды.
- Агъач – джерни чырайы, кийим – эрни чырайы.
- Къарны аманнга къазан такъдырма, къолу аманнга от джакъдырма.
- Чомартны къолу берекет.
- Зар адам ашынгы ашар, кесинги сатар.
- Эски джаугъа ышанма.
- Ауузу бла къуш тута айланады.
- Билим насыб берир, билим джолну керир.
- Малны кют, джерни тюрт.
- Кесинге джетмегенни, кёб сёлешме.
- Джан саулукъ бермей, сан саулукъ бермезсе.
- Бозаны арты дауур болур.
- Окъуу – билимни ачхычы, окъуу – дунияны бачхычы.
- Орну джокъну – сыйы джокъ.
- Арбаз къынгырды да, ийнек сауалмайма.
- Къолунгдан къуймакъ ашатсанг да, атаны борчундан къутулмазса.
- Къошда джокъгъа – юлюш джокъ.
- Телини эшигин, махтау джабар.
- Артына баргъанны, къатына барма.
- Кийим тукъум сордурур.
- Атлыны ашхысы, ат тизгининден билинир
- Бал чибинни ургъаны – ачы, балы – татлы.
- Рысхысына кёре, джаш ёсер, къышлыгъына кёре, мал ёсер.
- Джуртун къоругъан озар.
- Адеб базарда сатылмаз.
- Игиге айтсанг – билир, аманнга айтсанг – кюлюр.
- Баш – акъыл ючюн, акъылман – халкъ ючюн.
- Башсыз урчукъ тюзюне айланмаз.
- Сакъалы текени да бар, мыйыгъы киштикни да бар.
- Бети къызарыучу адамны, джюреги харам болмаз.
- Джарашыу сюйген – джалынчакъ.
- Биреуге кёлтюрген таягъынг, кесинги башынга урур.
- Джол бла сёзню къыйыры джокъ.
- Бети – къучакълар, джюреги – бычакълар.
- Киштикге къанат битсе, чыпчыкъ къалмаз эди.
- Эки ойлашыб, бир сёлешген.
- Сангырау къулакъ эл бузар.
- Кюн кёрмеген, кюн кёрсе, кюндюз чыракъ джандырыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72