- Адебсиз адам – джюгенсиз ат.
- Кёзю сокъурдан – къоркъма, кёлю сокъурдан – къоркъ.
- Тюз сёз баргъан сууну тыяр.
- Элге къуллукъ этмеген, элге ие болмаз.
- Къатын къылыкъсыз, эр тынчлыкъсыз.
- Сакъламагъан затынга джолукъсанг, не бек къууанаса, не бек ачыйса.
- Ана кёлю – балада, бала кёлю – талада.
- Ачыу алгъа келсе, акъыл артха къалады.
- Айранны сюйген, ийнек тутар.
- Ёзденликни джайгъан – джокълукъ.
- Акъыл бла адеб эгизледиле.
- Кёкдеги болмаса, джердегин кёрмейди.
- Иесиз малны бёрю ашар.
- Окъугъанны бети джарыкъ.
- Атлыны ашхысы, ат тизгининден билинир
- Джукъу тёшек сайламайды.
- Тил – миллетни джаны.
- Тёгюлген тюгел джыйылмайды.
- Башланнган иш битер, къымылдагъан тиш тюшер.
- Сыфатында болмагъаны, суратында болмаз.
- Ашда – бёрю, ишде – ёлю.
- Мухарны эси – ашарыкъда.
- Игиге айтсанг – билир, аманнга айтсанг – кюлюр.
- Сёз къанатсыз учар.
- Билими азны – ауузунда кирит.
- Аман адамны тепсинге олтуртсанг, къызынгы тилер.
- Мухар, кеси тойса да, кёзю тоймаз.
- Ашхы – джыяр, аман – джояр.
- Дууулдаса – бал чибин, къонса – къара чибин.
- Къалгъан ишге къар джауар.
- От этилмеген джерден тютюн чыкъмайды.
- Аман киши кеси юйюнде – къонакъ.
- Ариу сёз – джаннга азыкъ, аман сёз – башха къазыкъ.
- Къарын къуру болса, джюрек уру болур.
- Суу да къайтады чыкъгъан джерине.
- Юреннген ауруу къалмаз.
- Ашхы сёз таш тешер.
- Ариу сёз – къылычдан джити.
- Ётюрюкчюню шагъаты – къатында.
- Билмейме деген – бир сёз
- Ачлыкъда тары гырджын халыуадан татлы.
- Кёб ант этген, кёб ётюрюк айтыр.
- Джашны джигитлиги сорулур, къызны джигерлиги сорулур.
- Ач къарынны, токъ билмез
- Ариу джол аджал келтирмез.
- Гугурук къычырмаса да, тангны атары къалмаз.
- Джырчы джырчыгъа – къарнаш.
- Кёб джат да, бек чаб.
- Окъуу – билимни ачхычы, окъуу – дунияны бачхычы.
- Хунаны тюбюн къазсанг, юсюнге ауар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72