- Къарыусузгъа кюлме, онгсузгъа тийме.
- Джашынгы кесинг юретмесенг, джашау юретир.
- Халкъны джырын джырласанг, халкъ санга эжиу этер.
- Сагъыш – къартлыкъгъа сюйюмчю.
- Атлыны кёрсе, джаяуну буту талыр.
- Чомартха хар кюн да байрамды.
- Адам сёзге тынгыла, акъыл сёзню ангыла.
- Ариу сёз джыланны орнундан чыгъарыр.
- Башы джабылгъан челекге, кир тюшмез.
- Ёпкелегенни ашы татлы болады.
- Хаухну атма, ёнгкючню сатма.
- Дуния мал дунияда къалады.
- Эм ашхы къайын ана мамукъ бла башынгы тешер.
- Адамны джюреги нени кёрюрге сюйсе, кёзю да аны кёрюрге ёч болады.
- Къарнынг къанлынга кийирир.
- Билимсиз иш бармаз.
- Адам боллукъ, атламындан белгили болур.
- Биреуге кёлтюрген таягъынг, кесинги башынга урур.
- Мухарны эси – ашарыкъда.
- Аджашхан тёгерек айланыр.
- Ата джурт – алтын бешик.
- Кёл – къызбай, къол – батыр.
- Ачыу алгъа келсе, акъыл артха къалады.
- Алтыннга тот къонмаз.
- Тойгъан джерден туугъан джер игиди.
- Харам къарнашдан, халал тенг ашхы.
- Тас болгъан бычакъны сабы – алтын.
- Ашына кёре табагъы, балына кёре къалагъы.
- Сабыр джетер муратха, сабырсыз къалыр уятха.
- Ишлегенде эринме, ишде чолакъ кёрюнме.
- Уллу атлама – абынырса, уллу къабма – къарылырса.
- Бек ашыкъгъан меннге джетсин, дегенди аракъы.
- Шапа кёб болса, аш татымсыз болур.
- Танг атмайма десе да, кюн къоярыкъ тюйюлдю.
- Татлы сёз – балдан татлы.
- Тойну къарнашы – харс, джырны къарнашы – эжиу.
- Ёлюк кебинсиз къалмаз.
- Байны оноуу, джарлыгъа джарамаз.
- Ёксюзню къалачы уллу кёрюнюр.
- Аман къатын сабий табса, бий болур…
- Мураты болгъанны джюрек тебюую башхады.
- Иги болса, тамадама – махтау, аман болса, меннге – айыб.
- Рысхы джалгъанды: келген да этер, кетген да этер.
- Аз айтсам, кёб ангылагъыз.
- Чомартны къолу берекет.
- Урама да – ёледи, сатама да – келеди.
- Тойчу джашха къарама, къойчу джашха къара.
- Эрни эр этерик да, къара джер этерик да, тиширыуду.
- Олтуруб кёрюнмей эди да, ёрге туруб кёрюне эди.
- Айыбны суу бла джууалмазса.
Профиль
|
|
|
|||