- Адамны артындан къара сабан сюрме.
- Дуния малгъа сатылма, кесингден телиге къатылма.
- Аш хазыр болса, иш харам болур.
- Къолунгдан къуймакъ ашатсанг да, атаны борчундан къутулмазса.
- «Ёгюз, джаргъа джууукъ барма, меннге джюк боллукъса», - дегенди эшек.
- Сибиртки да сыйлы болду, кюрек да кюнлю болду.
- Чалманны аллы къалай башланса, арты да алай барады.
- Нарт сёз къарт болмаз.
- Джашынгы кесинг юретмесенг, джашау юретир.
- Адам туугъан джеринде, ит тойгъан джеринде.
- Джырчы ёлсе, джыры къалыр.
- Азыкъ аз болса, эртде орун сал.
- Къатын къылыкъсыз, эр тынчлыкъсыз.
- Зар адамны насыбы болмаз.
- Хатерли къул болур.
- Къызны минг тилер, бир алыр.
- Берекет берсин деген джерде, берекет болур.
- Аман хансны – урлугъу кёб.
- Иги сеники эсе да, сюйген кесимикин этеме.
- Къарт болгъан джерде, берекет болур, сабий болгъан джерде, оюн болур.
- Байлыкъ келсе, акъыл кетер.
- Тас болгъан бычакъны сабы – алтын.
- Ишин билген, аны сыйын чыгъарады.
- Итли къонакъ джарашмаз.
- Баш – акъыл ючюн, акъылман – халкъ ючюн.
- Ашаса, ашамаса да, бёрюню ауузу – къан.
- Сескекли кесин билдирир.
- Къан бла кирген, джан бла чыгъар.
- Гугук кесини атын айтыб къычыргъанча, мен, мен деб нек тураса?
- Кёзюнде тереги болгъан, чёбю болгъаннга кюле эди.
- Къозулугъунда тоймагъан, къойлугъунда тоймаз.
- Окъдан джара эртде-кеч болса да бителир, сёз джара, ёмюрге къалыр.
- Къалгъан ишге къар джауар.
- Иги адамны бир сёзю эки болмаз.
- Юй ишлеген балта эшикде къалыр.
- Къартны бурнун сюрт да, оноугъа тут.
- Къонакъны къачан кетерин сорма, къачан келлигин сор.
- Иесиз малны бёрю ашар.
- Билмезни кёзю кёрмез, этмезни къулагъы эшитмез.
- Игиге айтсанг – билир, аманнга айтсанг – кюлюр.
- Билим ат болуб да чабар, къуш болуб да учар.
- Биреу къой излей, биреу той излей.
- Садакъачыны джаны – къапчыгъында.
- Ариу сёз джыланны орнундан чыгъарыр.
- Аякъларынгы джууургъанынга кёре узат.
- Айтылгъан сёз ызына къайтмаз.
- Джылкъыдан – ат чыгъар, тукъумдан – джаш чыгъар.
- Кийим тукъум сордурур.
- Рысхы – сют юсюнде кёмюк кибикди.
- Ариу сёз – джаннга азыкъ, аман сёз – башха къазыкъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72