- Къар – келтирди, суу – элтди.
- Чабакъгъа акъыл, табагъа тюшсе келеди.
- Къанны къан бла джуума, аманны аман бла къуума.
- Магъанасыз сёз – тауушсуз сыбызгъы.
- Джетген къыз джерли эшекни танымаз.
- Къан бла кирген, джан бла чыгъар.
- Ашлыкъ – бюртюкден, джюн – тюкден.
- Къаллай салам берсенг, аллай джууаб алырса.
- Башы джабылгъан челекге, кир тюшмез.
- Ёнгкюч къууана барыр, джылай келир.
- Къазанда болса, чолпугъа чыгъар.
- Билмегенинги, билгеннге сор.
- Къалгъан ишге къар джауар.
- Эки ойлашыб, бир сёлешген.
- Ач бёрюге мекям джокъ.
- Къайтырыкъ эшигинги, къаты уруб чыкъма.
- Ариу сёз – джаннга азыкъ, аман сёз – башха къазыкъ.
- Чарсда алчыны эл кёреди.
- Илму – джашауну джолу.
- Атынг аманнга чыкъгъандан эсе, джанынг тамагъынгдан чыкъсын.
- Къайгъыны сюйген, къайгъы табар.
- Къонагъынгы артмагъын алма да, алгъышын ал.
- Мухарны эси – ашарыкъда.
- Эр абынмай, эл танымаз.
- Тил – кесген бычакъ, сёз – атылгъан окъ.
- Джарлыны эшигин махтагъан джабар.
- Баш болса, бёрк табылыр.
- Чомарт джарлы болмаз.
- Кенгеш болса, уруш болмаз.
- Атлыны кёрсе, джаяуну буту талыр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Адам сёзюнден белгили.
- Рысхы – насыбха къор.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ётген ёмюр – акъгъан суу.
- Чакъырылмагъан къонакъ – орунсуз.
- Чакъырылмай келген къонакъ сыйланмай кетер.
- Аякъларынгы джууургъанынга кёре узат.
- Харам къарнашдан, халал тенг ашхы.
- Адебсиз адам – джюгенсиз ат.
- Аллахха ийнаннган кишини, Аллах онгдурур ишин.
- Кёзю сокъурдан – къоркъма, кёлю сокъурдан – къоркъ.
- Тёзген – тёш ашар!
- Уллу къазанда бишген эт, чий къалмаз.
- Къыйынлы джети элге оноу этер.
- Ёксюзню тилеги къабыл болур.
- Орундукъ тюбюнде атылсам да, орта джиликме, де да айлан.
- Билим къая тешер.
- Урунуу – насыбны анасы.
- Тили узунну, намысы – къысха.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72