- Къарнынг тойгъунчу аша да, белинг талгъынчы ишле.
- Азыгъы аз, алгъа къабар, аты аман, алгъа чабар.
- Джогъун бар этген, барын бал этген.
- Адам боллукъ, атламындан белгили болур.
- Кечеси – аяз, кюню – къыш, джарлы къаргъагъа бир аш тюш!
- Биреуню къыйынлыгъы бла кесинге джол ишлеме.
- Хоншуну тауугъу къаз кёрюнюр, келини къыз кёрюнюр.
- Ёлген аслан – сау чычхан.
- Уллу суу бла уллу ауруудан башынгы сакъла.
- Ишни аллы бла къууанма да, арты бла къууан.
- Ёгюзню мюйюзюнден тутадыла, адамны сёзюнден тутадыла.
- Кёбге таш атма.
- Ана къолу ачытмаз.
- Сескекли кесин билдирир.
- Къыз чыгъаргъан – къызыл къымжа.
- Акъыл къартда, джашда тюйюлдю – башдады.
- Джетген къыз джерли эшекни танымаз.
- Телини эшигин, махтау джабар.
- Къралынгы – душмандан, башынгы от бла суудан сакъла.
- Байдан умут эте, джарлыдан ёгюз багъасы къорады.
- Сабий кёргенин унутмаз.
- Ариу сёз джыланны орнундан чыгъарыр.
- Джуртун къоругъан озар.
- Кёзден кетген, кёлден да кетеди.
- От этилмеген джерден тютюн чыкъмайды.
- Айырылмаз джууугъунга, унутмаз сёзню айтма.
- Юй кюйдю да, кюйюз чыкъды, ортасындан тюйюш чыкъды.
- Окъугъан озар, окъумагъан тозар.
- Этни бети бла шорпасы.
- Чомарт къолда мал къалмаз.
- Иги джашны ышаны – аз сёлешиб, кёб тынгылар.
- Башынга джетмегенни сорма.
- Айран ичген – къутулду, джугъусун джалагъан – тутулду.
- Джангыз торгъай джырламаз.
- Нёгерсизни джолу узун.
- Тай асырагъан, атха минер.
- Тил – миллетни джаны.
- Окъугъанны бети джарыкъ.
- Ачлыкъ отха секиртир.
- Окъугъан – асыу, окъумагъан – джарсыу.
- Билим ат болуб да чабар, къуш болуб да учар.
- Сёз къанатсыз учар.
- Суугъа – таянма, джаугъа – ийнанма.
- Чакъырылмагъан къонакъ тёрге атламаз.
- Къонакъ аман болса, къонакъбай джунчур
- Сакъалы текени да бар, мыйыгъы киштикни да бар.
- Биреу къой излей, биреу той излей.
- Джырчы ёлсе, джыры къалыр.
- Тамбла алтындан бюгюн багъыр ашхы.
- Кёкдеги болмаса, джердегин кёрмейди.
Профиль
|
|
|||