- Урама да – ёледи, сатама да – келеди.
- Эринчекни эр алмаз, эр алса да, кёл салмаз, кёл салса да, кёб бармаз!
- Кёб ант этген, кёб ётюрюк айтыр.
- Адебни адебсизден юрен.
- Ёлген эшек бёрюден къоркъмайды.
- Иесиз малны бёрю ашар.
- Тенгни тенглиги джашай барсанг билинир.
- Ариу сёз аурууунгу алыр.
- Къайгъыны сюйген, къайгъы табар.
- Ариу сёз джыланны орнундан чыгъарыр.
- Къыйынлы джети элге оноу этер.
- Аманны эки битли тону болур, бирин сеннге кийдирир, бирин кеси киер.
- Ариу сёз – къылычдан джити.
- Сагъышы джокъ – джукъучу, акъылы джокъ – къаугъачы.
- Кенгеш болса, уруш болмаз.
- Ариу сёз – джаннга азыкъ, аман сёз – башха къазыкъ.
- Эки элинги тыйсанг, джети элде махталырса.
- Таукел тауну аудурур.
- Ариу сёзде ауруу джокъ.
- Ариу джол аджал келтирмез.
- Ашда уялгъан – мухар, ишде уялгъан – хомух.
- Тойгъа барсанг, тоюб бар, эски тонунгу къоюб бар.
- Ариу – кёзге, акъыл – джюрекге.
- Алтыннга тот къонмаз.
- Уруну арты – къуру.
- Тил – кесген бычакъ, сёз – атылгъан окъ.
- Баргъанынга кёре болур келгенинг.
- Сёз сёзню айтдырыр.
- Ашын ашагъанынгы, башын да сыйла.
- Джол бла сёзню къыйыры джокъ.
- Ётген ёмюр – акъгъан суу.
- Ашлыкъны арба юйге келтирир, чана базаргъа элтир.
- Артына баргъанны, къатына барма.
- Адеби болмагъан къыз – тузсуз хант.
- Къумурсхала джыйылсала, пилни да джыгъадыла.
- Суу кетер, таш къалыр.
- Алгъанда – джууукъ, бергенде – джау.
- Тилсиз миллет джокъ болур.
- Окъуусуз билим – джокъ, билимсиз кюнюнг – джокъ.
- Татлы тилде – сёз ариу, чемер къолда – иш ариу.
- Джыйырма къойну юч джыйырма эбзе кюте эди.
- Адеб этмеген, адеб кёрмез.
- Азыкълы ат арымаз, къатыны аман джарымаз.
- Уллу атлама – абынырса, уллу къабма – къарылырса.
- Ётюрюкден тюбю джокъ, кёлтюрюрге джиби джокъ.
- Асхат ашлыкъ сата, юйдегиси ачдан къата.
- Ёлген ийнек сютлю болур.
- Ариуну – ауруу кёб.
- Джырына кёре эжиую.
- Окъ къызбайны джокълайды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72