- Ашыкъгъан cуу, тенгизге джетмез.
- Эл элде бирер малынг болгъандан эсе, бирер тенгинг болсун.
- Бир онгсуз адам адет чыгъарды, деб эштирик тюлсе.
- Билмегенинги, билгеннге сор.
- Къарт айтханны этмеген, къартаймаз.
- Кюл тюбюндеги от кёрюнмейди.
- Тойгъан джерден туугъан джер игиди.
- Эринчекни аурууу – кёб.
- Эли джокъну – кёлю джокъ.
- Баланы адам этген анады.
- Ишлегенден, къарагъан уста.
- Булут кёкге джарашыу, уят бетге джарашыу.
- Къазанда болса, чолпугъа чыгъар.
- Джумушакъ терекни къурт ашар.
- Джангыз терек къынгыр ёсер.
- Суу да къайтады чыкъгъан джерине.
- Къонагъынгы артмагъын алма да, алгъышын ал.
- Кимни – тили, тиши онглу, кимни – къолу, иши онглу.
- Сыфатында болмагъаны, суратында болмаз.
- Адамны сабийин сюйген джюреги, бычакъча, джитиди.
- Ёксюзню къалачы уллу кёрюнюр.
- Къууут – джелге, берне – бошха.
- Ата – баланы уясы.
- Аман эсирсе, юйюн ояр.
- Къанны къан бла джуума, аманны аман бла къуума.
- Битмегеннге сакъал – танг.
- Ёмюрлюк шохлукъну джел элтмез.
- Къошда джокъгъа – юлюш джокъ.
- Кенгеш болса, уруш болмаз.
- Тойгъан джерге джети къайт.
- Билим ат болуб да чабар, къуш болуб да учар.
- Намыс болмагъан джерде, насыб болмаз.
- Нарт сёз – тилни бети.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Билгенни къолу къарны джандырыр.
- Бермеген къол, алмайды.
- Кёл ашады да, кеси ашады.
- Билим къая тешер.
- Джан саулукъ бермей, сан саулукъ бермезсе.
- Ашхылыкъ джерде джатмайды, аманлыкъ суугъа батмайды.
- Адамны артындан къара сабан сюрме.
- Махтаннган къыз, тойда джукълар.
- Акъыллы – эл иеси, тели – эл баласы.
- Чыкълы кюнде чыкъмагъан, чыкъса къуру кирмеген.
- Эллинг бла джау болсанг да, юйюнг бла джау болма.
- Дуния аламаты сен эсенг да, игиме деб айтма.
- Бети бедерден, намыс сакълама.
- Тамырсыз терекге таянма – джыгъылырса.
- Тас болгъан бычакъны сабы – алтын.
- Эки итни арасына сюек атма, эки адамны арасында сёз чыгъарма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72