- Сибиртки да сыйлы болду, кюрек да кюнлю болду.
- Насыблы элин сюер, насыбсыз кесин сюер.
- Ариу джол аджал келтирмез.
- Ургъан суудан башынгы сакъла.
- Насыб бютеу халкъны юлюшюдю.
- Къыйынлы джети элге оноу этер.
- Ач отунчуну ачыуу – бурнунда.
- Сабий кёргенин унутмаз.
- Чакъырылмагъан къонакъ тёрге атламаз.
- Ёгюзню мюйюзлери ауурлукъ этмейдиле.
- Кирсизни – саны таза, халалны – къаны таза.
- Атлыны ашхысы, ат тизгининден билинир
- Ёнгкюч къууана барыр, джылай келир.
- Къыз келсе, джумуш эте келеди, къатын келсе, ушакъ эте келеди.
- Чакъырылмагъан къонакъ – орунсуз.
- Таякъ этден ётер, тил сюекден ётер.
- Билим – акъылны чырагъы.
- Адам сёзюнден белгили.
- Джаралыны джастыгъында сау ёлюр.
- Джети тилни билген джети кишиди.
- Тойчу джашха къарама, къойчу джашха къара.
- Къолу уллу – асыу, аягъы уллу – джарсыу.
- Ушамагъан – джукъмаз.
- Иши джокъну, сыйы джокъ.
- Ёзденликни джайгъан – джокълукъ.
- Ханнга да келеди хариблик.
- Хаухну атма, ёнгкючню сатма.
- Къонагъы джокъну – шоху джокъ.
- Айранны сюйген, ийнек тутар.
- Чакъырылгъанны аты, чакъырылмагъанны багъасы болур.
- Уллу суу бла уллу ауруудан башынгы сакъла.
- Иги бла джюрюсенг, джетерсе муратынга, аман бла джюрюсенг, къалырса уятха.
- Билим ат болуб да чабар, къуш болуб да учар.
- Ашатыргъа иш – ашхы, ишлетирге аш – ашхы.
- Ёксюзню тилеги къабыл болур.
- Джиби бир къат джетмей эди да, эки къат тарта эди.
- Абынмазлыкъ аякъ джокъ, джангылмазлыкъ джаякъ джокъ.
- Ётюрюкню къуйругъу – бир тутум.
- Адам боллукъ, атламындан белгили болур.
- Сабийни джумушха джибер да, ызындан бар.
- Джол бла сёзню къыйыры джокъ.
- Асхат ашлыкъ сата, юйдегиси ачдан къата.
- Билими азны – ауузунда кирит.
- Адамны адамлыгъы къыйынлыкъда айгъакъланады.
- Эки ойлашыб, бир сёлешген.
- Джукъу тёшек сайламайды.
- Тешигини къатында, чычхан да батыр болур.
- Орундукъ тюбюнде атылсам да, орта джиликме, де да айлан.
- Аманны тукъумуна къарама, игини тукъумун сорма.
- Шекер бла туз – бир болмаз, ушамагъан – юй болмаз.
Профиль
|
|
|
|||