- Эртде тургъан бла эртде юйленнген сокъуранмаз.
- Юйлю уругъа ит чабмаз.
- Керек ташны ауурлугъу джокъ.
- Ишлегенде эринме, ишде чолакъ кёрюнме.
- Эртде тургъан джылкъычыны эркек аты тай табар.
- Тура эдим джата, къайдан чыкъды хата?
- Ойнаб айтсанг да, эслеб айт.
- Ётюрюкден тюбю джокъ, кёлтюрюрге джиби джокъ.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Аз айтсам, кёб ангылагъыз.
- Адеб этмеген, адеб кёрмез.
- Ана къолу ачытмаз.
- Тойгъанлыкъ къойгъа джарашады.
- Аманнга да, игиге да оноусуз къатышма.
- Аман адам этегингден тутса, кес да къач.
- Керилген да, ургъан кибикди.
- Ургъан суудан башынгы сакъла.
- Байлыкъдан саулукъ ашхыды.
- Тюзню ётмеги тюзде къалса да, тас болмаз.
- Аджаллыгъа окъсуз шкок атылыр.
- Джылкъыдан – ат чыгъар, тукъумдан – джаш чыгъар.
- Кийимни бир кюнню аясанг, минг кюннге джарар.
- Къан бла кирген, джан бла чыгъар.
- Джерни букъусу кёкге къонмаз.
- Абынмазлыкъ аякъ джокъ, джангылмазлыкъ джаякъ джокъ.
- Къарнынг тойгъунчу аша да, белинг талгъынчы ишле.
- Эски джаугъа ышанма.
- Уллу сёлешме да, уллу къаб.
- Айтхан – тынч, этген – къыйын.
- Таугъа чыгъаллыкъ эсенг, тюзде къалма.
- Джогъун бар этген, барын бал этген.
- Баланы адам этген анады.
- Ашын ашагъанынгы, башын да сыйла.
- Сакъ юйюне сау барыр.
- Сютню башын джалагъан къутулур, тюбюн ичген тутулур.
- Аш берме да, къаш бер.
- Кёб джашагъан – кёб билир.
- Экеу тутушса, биреу джыгъылыр.
- Суу да къайтады чыкъгъан джерине.
- Чакъырылмагъан джерге барма, чакъырылгъан джерден къалма.
- Минг тенг да азды, бир джау да кёбдю.
- Рысхы – сют юсюнде кёмюк кибикди.
- Джюз элде джюз ёгюзюм болгъандан эсе, джюз джууугъум болсун.
- Къошда джокъгъа – юлюш джокъ.
- Кёл ашады да, кеси ашады.
- Чоюнну башы ачыкъ болса, итге уят керекди.
- Хазыр ашха – терен къашыкъ.
- Окъугъанны бети джарыкъ.
- Джашда акъыл джокъ, къартда къарыу джокъ.
- Ариу сёз – къылычдан джити.
Профиль
|
|
|
|||