- Таукел тауну аудурур.
- Къарнынг тойгъунчу аша да, белинг талгъынчы ишле.
- Уллу айтханны этмеген – уллаймаз.
- Эски джаугъа ышанма.
- Биреу ашаб къутулур, биреу джалаб тутулур.
- Ач келгенни – тойдур, кеч келгенни – къондур.
- Эли джокъну – кёлю джокъ.
- Аман къатын сабий табса, бий болур…
- Къызгъанчдан ычхыныр, мухардан ычхынмаз.
- Арбаз сайлама да, хоншу сайла.
- Урунуу – насыбны анасы.
- Билим – акъылны чырагъы.
- Чомартны къолун джокълукъ байлар.
- Окъумагъан сокъурду, сокъур ташха абыныр!
- Къонагъынгы артмагъын алма да, алгъышын ал.
- Ишге юренсин къоллары, халкъ бла болсун джоллары.
- Дженгил джетерикме деб, узун джолну къоюб, къысхасын барма.
- Агъач – джерни чырайы, кийим – эрни чырайы.
- Аууз сакълагъан – джан сакълар.
- Ойнай билмеген, уруб къачар.
- Аманны тукъумуна къарама, игини тукъумун сорма.
- Сакъламагъан затынга джолукъсанг, не бек къууанаса, не бек ачыйса.
- Башсыз урчукъ тюзюне айланмаз.
- Ургъан суудан башынгы сакъла.
- Ёгюзню мюйюзюнден тутадыла, адамны сёзюнден тутадыла.
- Айыбны суу бла джууалмазса.
- Биреуню къыйынлыгъы бла кесинге джол ишлеме.
- Ач бёрюге мекям джокъ.
- Тил бла келеди джыр да.
- Ауузу аманнга «иги», деме.
- Ачыу алгъа келсе, акъыл артха къалады.
- Иги джашны ышаны – аз сёлешиб, кёб тынгылар.
- Баш болса, бёрк табылыр.
- Шапа кёб болса, аш татымсыз болур.
- Тюзлюк тас болмайды.
- Ёлмесенг да, къарт дамы болмазса?
- Акъыл сабырлыкъ берир.
- Баргъанынга кёре болур келгенинг.
- Эки къатын алгъан – эки ташны ортасына башын салгъан.
- Кийим тукъум сордурур.
- Ашына кёре табагъы, балына кёре къалагъы.
- Бал ашаргъа сюе эсенг, чибин ургъаннга тёз.
- Мухардан ач ычхынмаз.
- Берекет берсин деген джерде, берекет болур.
- Агъач халкъгъа алтынды, иссиликге салкъынды.
- Атадан ёксюз – бир ёксюз, анадан ёксюз – эки ёксюз.
- Мал ёлсе, сюек къалыр, адам ёлсе, иши къалыр.
- Борчунг бар эсе, хурджунунга ойлаб узал.
- Адам боллукъ, атламындан белгили болур.
- Къаллай салам берсенг, аллай джууаб алырса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72