- Джарлыны тону джаз битер.
- Чёбню кёлтюрсенг, тюбюнден сёз чыгъар.
- Бюгюн дуния кибик, тамбла ахыратды.
- Элни кючю – эмеген.
- Суу кетер, таш къалыр.
- Ким бла джюрюсенг, аны кёзю бла кёрюнюрсе.
- Джахил болса анасы, не билликди баласы?
- Байны оноуу, джарлыгъа джарамаз.
- Адамны джюреги нени кёрюрге сюйсе, кёзю да аны кёрюрге ёч болады.
- Ачлыкъда тары гырджын халыуадан татлы.
- Соргъан айыб тюлдю, билмеген айыбды.
- Мухар, кеси тойса да, кёзю тоймаз.
- Акъыл къартда, джашда тюйюлдю – башдады.
- Аш иеси бла татлыды.
- Тик ёргени, тик энгишгеси да болады.
- Сакъалы текени да бар, мыйыгъы киштикни да бар.
- Юре билмеген ит, къонакъ келтирир.
- Рысхы – сют юсюнде кёмюк кибикди.
- Аллахдан тилесенг, кёб тиле.
- Рысхы – насыбха къор.
- Атлыны ашхысы, ат тизгининден билинир
- Мени джылытмагъан кюн, меннге тиймесин!
- Арбаз сайлама да, хоншу сайла.
- Билим ат болуб да чабар, къуш болуб да учар.
- Бети – къучакълар, джюреги – бычакълар.
- Биреуге аманлыкъ этиб, кесинге игилик табмазса.
- Керилген да, ургъан кибикди.
- Айтылгъан буйрукъ, сёгюлмез
- Хар адамгъа кеси миннген тау кибик.
- Ариуну – ауруу кёб.
- Агъач – джерни чырайы, кийим – эрни чырайы.
- Джаралыны джастыгъында сау ёлюр.
- Экеулен сёлеше тура эселе, орталарына барыб кирме.
- Тамбла алтындан бюгюн багъыр ашхы.
- Чалманны аллы къалай башланса, арты да алай барады.
- Чомарт къолда мал къалмаз.
- Бал – татлы, балдан да бала – татлы.
- Урунуу – насыбны анасы.
- Кютгени беш эчки, сызгъыргъаны уа, джерни джарады.
- Ишлерге уял да, ашаргъа табма.
- Ач къалгъандан, кеч къалгъан къолай.
- Ач отунчуну ачыуу – бурнунда.
- Киштикге къанат битсе, чыпчыкъ къалмаз эди.
- Эки къатын алгъанны къулагъы тынгнгаймаз.
- Эли джокъну – кёлю джокъ.
- Джырына кёре эжиую.
- Джыйырма къойну юч джыйырма эбзе кюте эди.
- Эркишиге тары кебек танг кёрюнюр.
- Чакъырылгъанны аты, чакъырылмагъанны багъасы болур.
- Чомартны къолун джокълукъ байлар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72