Эльбрусоид :: Форум

Джол бла сёзню къыйыры джокъ.
Ишни ахырын ойламай, аллын башлама.
Адам сёзюнден белгили.
Тойгъандан сора, ашны сёкме.
Джети тилни билген джети кишиди.
Окъугъанны бети джарыкъ.
Аманнга алтын чыдамаз.
Тёзген – тёш ашар!
Джаш къарыу бла кючлю, къарт акъыл бла кючлю.
Сакъалы текени да бар, мыйыгъы киштикни да бар.
Билмезни кёзю кёрмез, этмезни къулагъы эшитмез.
Алтыда кюлмеген, алтмышда кюлмез.
Эте билген, этген этеди, эте билмеген, юретген этеди!
Ойнай-ойнай кёз чыгъар.
Кюл тюбюндеги от кёрюнмейди.
Биреуню эскиси биреуге джангы болмайды.
Эртде тургъан бла эртде юйленнген сокъуранмаз.
Дженгил джетерикме деб, узун джолну къоюб, къысхасын барма.
Джаханимни кёрмей, джандетге кёл салмазса.
Акъыллы башны – тили къысха.
Аз сёлешген, къайгъысыз турур.
Экеу тутушса, биреу джыгъылыр.
Ачыу алгъа келсе, акъыл артха къалады.
Иги бла джюрюсенг, джетерсе муратынга, аман бла джюрюсенг, къалырса уятха.
Дуния малгъа сатылма, кесингден телиге къатылма.
Гугурук къычырмаса да, тангны атары къалмаз.
Къызгъанчдан ычхыныр, мухардан ычхынмаз.
Уллу сёлешме да, уллу къаб.
Мухар, кеси тойса да, кёзю тоймаз.
Уясында не кёрсе, учханында аны этер.
Игини сыйлагъан адетди.
Тойгъан антын унутур.
Алгъанда – джууукъ, бергенде – джау.
Аз айтсам, кёб ангылагъыз.
Ишлегенден, къарагъан уста.
Джогъун бар этген, барын бал этген.
Къуру гыбыт бек дыгъырдар.
Сабийликде юретмесенг, уллу болса – тюзелмез.
Юреннген ауруу къалмаз.
Ишлегенде эринме, ишде чолакъ кёрюнме.
Чакъырылгъанны аты, чакъырылмагъанны багъасы болур.
Ауузу аманнга «иги», деме.
Къарын къуру болса, джюрек уру болур.
Чомартха хар кюн да байрамды.
Бастасын ашагъан, хантусун да ичер.
Ариу сёз – джаннга азыкъ, аман сёз – башха къазыкъ.
Биреу ашаб къутулур, биреу джалаб тутулур.
Юй кюйдю да, кюйюз чыкъды, ортасындан тюйюш чыкъды.
Юй ишлеген балта эшикде къалыр.
Артына баргъанны, къатына барма.

Логин:
Пароль:
	Запомнить меня на этом компьютере

Забыли свой пароль?
Регистрация