- Аманнга алтын чыдамаз.
- Кесине оноу эте билмеген, халкъына да эте билмез.
- Къызбайны юйюне дери сюрсенг, батыр болур.
- Адам туугъан джеринде, ит тойгъан джеринде.
- Ачлыкъда тары гырджын халыуадан татлы.
- Окъдан джара эртде-кеч болса да бителир, сёз джара, ёмюрге къалыр.
- Тил бла келеди джыр да.
- Ачылгъан эт джабылыр, кёрген кёз унутмаз.
- Джырчы джырчыгъа – къарнаш.
- Ана къойну – балагъа джандет.
- Тулпарлыкъ, билекден тюл – джюрекден.
- Къонакъ аз олтурур, кёб сынар.
- Чыкълы кюнде чыкъмагъан, чыкъса къуру кирмеген.
- Кёлсюзден сёзсюз тууар.
- Кюн кёрмеген, кюн кёрсе, кюндюз чыракъ джандырыр.
- Джерни букъусу кёкге къонмаз.
- Кечеси – аяз, кюню – къыш, джарлы къаргъагъа бир аш тюш!
- Тилчи бир сагъатха айлыкъ хата этер.
- Сакъламагъан затынга джолукъсанг, не бек къууанаса, не бек ачыйса.
- Адамгъа аман кюн соруб келмейди.
- Уллу суу бла уллу ауруудан башынгы сакъла.
- Эл ауузу – элия.
- Дуния мал дунияда къалады.
- Ёпкелегенни ашы татлы болады.
- Джангыз терек къынгыр ёсер.
- Эски джаугъа ышанма.
- Джыйырма къойну юч джыйырма эбзе кюте эди.
- Ашхы сёз таш тешер.
- Чомарт къолда мал къалмаз.
- Элиб деген, элге болушур.
- Булут кёкге джарашыу, уят бетге джарашыу.
- Ойнаб айтсанг да, эслеб айт.
- Джюз элде джюз ёгюзюм болгъандан эсе, джюз джууугъум болсун.
- Тамчы таш тешер.
- Бозаны арты дауур болур.
- Сёз къанатсыз учар.
- Ариу сёз – къылычдан джити.
- Этек чакъмакълары баш джаргъан, сёлешген сёзлери таш джаргъан.
- Тойгъа барсанг, тоюб бар, эски тонунгу къоюб бар.
- Юй ишлеген балта эшикде къалыр.
- Ашаса, ашамаса да, бёрюню ауузу – къан.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ариу сёз джыланны орнундан чыгъарыр.
- Эл ауузу – элек, анга ийнаннган – халек.
- Кёбге таш атма.
- Азыкъ аз болса, эртде орун сал.
- Нарт сёз къарт болмаз.
- Киштикге къанат битсе, чыпчыкъ къалмаз эди.
- Сыфатында болмагъаны, суратында болмаз.
- Сабий кёргенин унутмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72