- Джаш къарыу бла кючлю, къарт акъыл бла кючлю.
- Аманнга да, игиге да оноусуз къатышма.
- Юре билмеген ит, къонакъ келтирир.
- Келгинчи, къонакъ уялыр, келгенден сора, къонакъбай уялыр.
- Джумушакъ сёз къаты таякъны сындырыр.
- Аман адамны тепсинге олтуртсанг, къызынгы тилер.
- Кюл тюбюндеги от кёрюнмейди.
- Юйюнгден чыкъдынг – кюнюнгден чыкъдынг.
- Огъурлуну сёзю – суу, огъурсузну сёзю – уу.
- Бичгенде ашыкъма, тикгенде ашыкъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Арбаз сайлама да, хоншу сайла.
- Керек ташны ауурлугъу джокъ.
- Экиндини кеч къылсанг, чабыб джетер ашхам.
- «Ма», - дегенни билмесенг, «бер», - дегенни билмезсе.
- Суу да къайтады чыкъгъан джерине.
- Билимсиз иш бармаз.
- Кёзден кетген, кёлден да кетеди.
- Соргъан айыб тюлдю, билмеген айыбды.
- Джаш болсун, къыз болсун, акъылы, саны тюз болсун.
- Къыйынлы джети элни къайгъысын этер.
- Элде адам къалмаса, ит тахтагъа минер.
- Келинни – келгинчи, бёркню кийгинчи кёр.
- Хар сёзню орну барды.
- Ойнай билмеген, оюн бузар.
- Чакъырылмагъан къонакъ къачан кетерин сормаз.
- Чакъырылмагъан къонакъ – орунсуз.
- Джангыз терек къынгыр ёсер.
- Бет бетге къараса, бет да джерге къарар.
- Чомарт джарлы болмаз.
- Таукелге нюр джауар.
- От кюйдюрген, сау болса да, тот кюйдюрген, сау болмаз.
- Онгсузну – джакъла, тенгликни – сакъла.
- Байлыкъ болгъан джерде, тынчлыкъ джокъду.
- Чакъырылмагъан джерге барма, чакъырылгъан джерден къалма.
- Джюрекден джюрекге джол барды.
- Ач келгенни – тойдур, кеч келгенни – къондур.
- Джыланны къуйругъундан басарынг келсе, аны башы болгъанын унутма.
- Кийимни бичсенг, кенг бич, тар этген къыйын тюлдю.
- Джырчы джырчыгъа – къарнаш.
- Чомартха Тейри да борчлуду.
- Билген билмегенни юретген адетди.
- Чабакъгъа акъыл, табагъа тюшсе келеди.
- Харам къарнашдан, халал тенг ашхы.
- Чакъырылмагъан къонакъ тёрге атламаз.
- Сёз садакъдан кючлюдю.
- Байлыкъдан саулукъ ашхыды.
- Булут кёкге джарашыу, уят бетге джарашыу.
- Кёзю сокъурдан – къоркъма, кёлю сокъурдан – къоркъ.
- Айранын берсенг, челегин да къызгъанма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72