- Тойгъан антын унутур.
- Къарт болгъан джерде, берекет болур, сабий болгъан джерде, оюн болур.
- Бир абыннган – минг сюрюнюр.
- Мураты болгъанны джюрек тебюую башхады.
- Кютгени беш эчки, сызгъыргъаны уа, джерни джарады.
- Айранын берсенг, челегин да къызгъанма.
- Ауругъан – джашаудан умутчу.
- Хантына кёре тузу, юйюне кёре къызы.
- Джангызны оту джарыкъ джанмаз!
- Къуру гыбыт бек дыгъырдар.
- Кёл ашады да, кеси ашады.
- Болджал ишни бёрю ашар.
- Тас болгъан бычакъны сабы – алтын.
- Башы джабылгъан челекге, кир тюшмез.
- Ашлыкъны арба юйге келтирир, чана базаргъа элтир.
- Чёбню кёлтюрсенг, тюбюнден сёз чыгъар.
- Тёзген – тёш ашар!
- Бал – татлы, балдан да бала – татлы.
- Къанны къан бла джуума, аманны аман бла къуума.
- Къонакъ аз олтурур, кёб сынар.
- Къайгъыны сюйген, къайгъы табар.
- Тюкюрюк баш джармаз, налат кёз чыгъармаз!
- Айтылгъан буйрукъ, сёгюлмез
- Къыйынлы джети элге оноу этер.
- Сормай – алма, чакъырылмай – барма.
- Ач уят къоймаз.
- Акъыл аздырмаз, билим тоздурмаз.
- Ач бёрюге мекям джокъ.
- Къууут – джелге, берне – бошха.
- Къарнынг тойгъунчу аша да, белинг талгъынчы ишле.
- Эшекге миннген – биринчи айыб, андан джыгъылгъан – экинчи айыб.
- Сёлеш деб шай берген, тохта деб, сом берген.
- Уллу сёлешме да, уллу къаб.
- Босагъагъа джууукъ орун болса, ашыгъыб тёрге озма.
- Ата – баланы уясы.
- Тёрде – темир таякълы, къаяда – чыпчыкъ аякълы.
- Кёлсюзден сёзсюз тууар.
- Чыкълы кюнде чыкъмагъан, чыкъса къуру кирмеген.
- Ашхы атаны – джашы ашхы, ашхы ананы – къызы ашхы.
- Келинин тута билмеген, къул этер, къызын тута билмеген, тул этер.
- Сыфатында болмагъаны, суратында болмаз.
- Кюл тюбюндеги от кёрюнмейди.
- Къызны минг тилер, бир алыр.
- Аш кетер да бет къалыр.
- Билмегенинги, билгеннге сор.
- Бичгенде ашыкъма, тикгенде ашыкъ.
- Тил – кесген бычакъ, сёз – атылгъан окъ.
- Телини эшигин, махтау джабар.
- Кюн кёрмеген, кюн кёрсе, кюндюз чыракъ джандырыр.
- Кёбден умут этиб, аздан къуру къалма.
Профиль
|
|
|||