- Телини эшигин, махтау джабар.
- Кёлсюзден сёзсюз тууар.
- Таякъ этден ётер, тил сюекден ётер.
- Аман адамны тепсинге олтуртсанг, къызынгы тилер.
- Телиге от эт десенг, юйюнге от салыр.
- Эллинг бла джау болсанг да, юйюнг бла джау болма.
- Ач келгенни – тойдур, кеч келгенни – къондур.
- Ат да турмайды бир териде.
- Тюз сёз баргъан сууну тыяр.
- Аман адам элни бир-бирине джау этер.
- Ётюрюк хапар аякъ тюбю бла джюрюйдю.
- Къулакъдан эсе, кёзге ышан.
- Сакъалы текени да бар, мыйыгъы киштикни да бар.
- Ишлегенден, къарагъан уста.
- Окъдан джара эртде-кеч болса да бителир, сёз джара, ёмюрге къалыр.
- Ханы къызы буюгъа-буюгъа киштик болду.
- Уясында не кёрсе, учханында аны этер.
- Кёзю сокъурдан – къоркъма, кёлю сокъурдан – къоркъ.
- Накъырданы арты керти болур.
- Джаным-тиним – окъуу, билим.
- Босагъагъа джууукъ орун болса, ашыгъыб тёрге озма.
- Кесине гебен этелмеген, биреуге черен эте эди.
- Джукъу тёшек сайламайды.
- Ач бёрюге мекям джокъ.
- Окъуу – билимни ачхычы, окъуу – дунияны бачхычы.
- Чабакъгъа акъыл, табагъа тюшсе келеди.
- Акъыллы айтыр эди, акъылсыз къоймайды.
- Таукелге нюр джауар.
- Иги сёз – джаннга азыкъ, аман сёз башха – къазыкъ.
- Сагъыш – къартлыкъгъа сюйюмчю.
- Билимден уллу байлыкъ джокъду.
- Окъугъан озар, окъумагъан тозар.
- Ата Джуртун танымагъан, атасын да танымаз.
- Таугъа чыгъаллыкъ эсенг, тюзде къалма.
- Къозулугъунда тоймагъан, къойлугъунда тоймаз.
- Ата – билек, ана – джюрек!
- Ачлыкъда тары гырджын халыуадан татлы.
- Къарнынг къанлынга кийирир.
- Битмегеннге сакъал – танг.
- Джол бла сёзню къыйыры джокъ.
- Тилде сюек болмаса да, сюек сындырыр.
- Адам сёзге тынгыла, акъыл сёзню ангыла.
- Ариу сёз джыланны орнундан чыгъарыр.
- Адам сёзюнден белгили.
- Билимсиз иш бармаз.
- Аз сёлеш, кёб ишле.
- Тили узунну, намысы – къысха.
- Айыбны суу бла джууалмазса.
- Зар адамны насыбы болмаз.
- Ашда уялгъан – мухар, ишде уялгъан – хомух.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72