- Къумурсхала джыйылсала, пилни да джыгъадыла.
- Атынг аманнга чыкъгъандан эсе, джанынг тамагъынгдан чыкъсын.
- Джылкъыдан – ат чыгъар, тукъумдан – джаш чыгъар.
- Къатыны харакетли болса, эри къымсыз болур.
- Халкъны джырын джырласанг, халкъ санга эжиу этер.
- Ургъан суудан башынгы сакъла.
- Юре билмеген ит, къонакъ келтирир.
- Ханы къызы буюгъа-буюгъа киштик болду.
- Кёпюр салгъан кеси ётер, уру къазгъан кеси кетер.
- Уллу айтханны этмеген – уллаймаз.
- Онгсузну – джакъла, тенгликни – сакъла.
- Гугук кесини атын айтыб къычыргъанча, мен, мен деб нек тураса?
- Алтыннга тот къонмаз.
- Билмезни кёзю кёрмез, этмезни къулагъы эшитмез.
- Адамны адамлыгъы къыйынлыкъда айгъакъланады.
- Юй кюйдю да, кюйюз чыкъды, ортасындан тюйюш чыкъды.
- Сормай – алма, чакъырылмай – барма.
- Бал – татлы, балдан да бала – татлы.
- Джашда акъыл джокъ, къартда къарыу джокъ.
- Ачны эсинде – аш.
- Шапа кёб болса, аш татымсыз болур.
- Адамны аты башхача, акъылы да башхады.
- Мухар, кеси тойса да, кёзю тоймаз.
- Келинин тута билмеген, къул этер, къызын тута билмеген, тул этер.
- Ишин билген, аны сыйын чыгъарады.
- Эртде тургъан бла эртде юйленнген сокъуранмаз.
- Терслик кетер, тюзлюк джетер.
- Таугъа чыгъаллыкъ эсенг, тюзде къалма.
- Суу да къайтады чыкъгъан джерине.
- Ашхы болсанг, атынг чыгъар, аман болсанг, джанынг чыгъар.
- Борчунг бар эсе, хурджунунга ойлаб узал.
- Тойгъа алгъа да барма, тойда артха да къалма.
- Элиб деген, элге болушур.
- Тойгъан антын унутур.
- Таш бла ургъанны, аш бла ур.
- Юйлю уругъа ит чабмаз.
- Билмегенинги, билгеннге сор.
- Эл ауузу – элия.
- Арыгъан къош чамчы болур.
- Ёлген аслан – сау чычхан.
- Бек ашыкъгъан меннге джетсин, дегенди аракъы.
- Дуния малгъа сатылма, кесингден телиге къатылма.
- Таула не мийик болсала да, аууш табылыр.
- Аш кетер да бет къалыр.
- Тюкюрюк баш джармаз, налат кёз чыгъармаз!
- Бал чибинни ургъаны – ачы, балы – татлы.
- Джарлыны эшигин махтагъан джабар.
- Тюз сёз баргъан сууну тыяр.
- Эшекге миннген – биринчи айыб, андан джыгъылгъан – экинчи айыб.
- Джумушакъ сёз къаты таякъны сындырыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72