- Аман къатын сабий табса, бий болур…
- Къыйынлы джети элни къайгъысын этер.
- Ауругъаннга – кийик саулукъ, джетген къызгъа – чилле джаулукъ.
- Къошда джокъгъа – юлюш джокъ.
- Бозаны арты дауур болур.
- Нарт сёз къарт болмаз.
- Игилик игилик бла сингдирилиучю затды.
- Таукел къуру къалмаз.
- Ата Джуртуму башы болмасам да, босагъасында ташы болайым.
- Ач къалгъандан, кеч къалгъан къолай.
- Хаухну атма, ёнгкючню сатма.
- Сабий кёргенин унутмаз.
- Тилчи бир сагъатха айлыкъ хата этер.
- Алтыда кюлмеген, алтмышда кюлмез.
- Ачыкъ джюрекге джол – ачыкъ.
- Ишлегенден, къарагъан уста.
- Биреуню тёрюнден, кесинги эшик артынг игиди.
- Аманны тукъумуна къарама, игини тукъумун сорма.
- Хар ишни да аллы къыйынды.
- Чакъырылгъанны аты, чакъырылмагъанны багъасы болур.
- Чалманны аллы къалай башланса, арты да алай барады.
- Билимден уллу байлыкъ джокъду.
- Сёз сёзню айтдырыр.
- Чомартны къолун джокълукъ байлар.
- Окъуусуз билим – джокъ, билимсиз кюнюнг – джокъ.
- Къыз чыгъаргъан – къызыл къымжа.
- Сакъламагъан затынга джолукъсанг, не бек къууанаса, не бек ачыйса.
- Магъанасыз сёз – тауушсуз сыбызгъы.
- Тойгъанлыкъ къойгъа джарашады.
- Аман эсирсе, юйюн ояр.
- Кёзню ачылгъаны – иги, ауузну джабылгъаны – иги.
- Джеринден айырылгъан – джети джылар, джуртундан айырылгъан – ёлгюнчю джылар.
- Джерни букъусу кёкге къонмаз.
- Ишлегенде эринме, ишде чолакъ кёрюнме.
- Адеб джокъда, намыс джокъ.
- Ашхылыкъ джерде джатмайды, аманлыкъ суугъа батмайды.
- Эки элинги тыйсанг, джети элде махталырса.
- Джангыз терек къынгыр ёсер.
- Ёлмесенг да, къарт дамы болмазса?
- Азыкълы ат арымаз, къатыны аман джарымаз.
- Бети бедерден, намыс сакълама.
- Дженгил джетерикме деб, узун джолну къоюб, къысхасын барма.
- Иги адам абынса да, джангылмаз.
- Аджашхан тёгерек айланыр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Атадан ёксюз – бир ёксюз, анадан ёксюз – эки ёксюз.
- Джан саулукъ бермей, сан саулукъ бермезсе.
- Адамны сыфатына къарама, сёзюне къара.
- Юйюнг бла джау болгъандан эсе, элинг бла джау бол.
- Ач да бол, токъ да бол – намысынга бек бол.
Профиль
|
|
|||