- Ёлген эшек бёрюден къоркъмайды.
- Азыкълы ат арымаз, къатыны аман джарымаз.
- Ариу сёз джыланны орнундан чыгъарыр.
- Иги сеники эсе да, сюйген кесимикин этеме.
- Тёрдеги кюлсе, эшикдеги ышарыр.
- Билмегенинги, билгеннге сор.
- Билим ат болуб да чабар, къуш болуб да учар.
- Къатын байлыкъны сюер, эр саулукъну сюер.
- Этни да ашады, бетни да ашады.
- Суугъа – чабакъ, къаягъа – ыргъакъ.
- Игиге айтсанг – билир, аманнга айтсанг – кюлюр.
- Алтыда кюлмеген, алтмышда кюлмез.
- Акъыллы эркиши атын махтар, акъылсыз эркиши къатынын махтар.
- Къызбайны юйюне дери сюрсенг, батыр болур.
- Дуния мал дунияда къалады.
- Акъыл аздырмаз, билим тоздурмаз.
- Ашына кёре табагъы, балына кёре къалагъы.
- Арпа, будай – ащды, алтын, кюмюш а – ташды.
- Аманны тукъумуна къарама, игини тукъумун сорма.
- Халкъгъа джарагъан, джарлы къалмаз.
- Джырчы ёлсе, джыры къалыр.
- Джарашыу сюйген – джалынчакъ.
- Бет бетге къараса, бет да джерге къарар.
- Махтаннган къыз, тойда джукълар.
- Мухарны эси – ашарыкъда.
- Намыс сатылыб алынмайды.
- Айтхан сёзюне табылгъан.
- Тил – миллетни джаны.
- Арбаз сайлама да, хоншу сайла.
- Чомартны къолун джокълукъ байлар.
- Ётюрюкчюню шагъаты – къатында.
- Къазанда болса, чолпугъа чыгъар.
- Ауузу бла къуш тута айланады.
- Адам боллукъ, атламындан белгили болур.
- Мураты болгъанны джюрек тебюую башхады.
- Аш иеси бла татлыды.
- Тешик этген тынчды, аны джамагъан къыйынды.
- Ауругъанны сау билмез, ач къарынны токъ билмез.
- Тели турса – той бузар.
- Къумурсхала джыйылсала, пилни да джыгъадыла.
- Ишлегенден, къарагъан уста.
- Ишленмеген джаш – джюгенсиз ат, ишленмеген къыз – тузсуз хант.
- Биреу ашаб къутулур, биреу джалаб тутулур.
- Къуллукъчума, деб махтанма, къуллукъ – хаух джамчыды!
- Игилик игилик бла сингдирилиучю затды.
- Берекет берсин деген джерде, берекет болур.
- Эл ауузу – элек, анга ийнаннган – халек.
- Ана кёлю – балада, бала кёлю – талада.
- Эринчекни эр алмаз, эр алса да, кёл салмаз, кёл салса да, кёб бармаз!
- Ата Джуртча джер болмаз, туугъан элча эл болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72