- Акъылсызны джууукъгъа алма, акъыллыны кенгнге салма.
- Сёз къанатсыз учар.
- Сютден ауузу кюйген, суугъа юфгюре эди.
- Ауузу бла къуш тута айланады.
- Гырджын – тепсини тамадасы.
- Эринчекге кюн узун.
- Кёлю джокъну – джолу джокъ.
- Ойнай билмеген, оюн бузар.
- Аз сёлешген, къайгъысыз турур.
- Чабакъ башындан чирийди.
- Тюз сёз баргъан сууну тыяр.
- Ётюрюкчюню шагъаты – къатында.
- Ауругъаннга – кийик саулукъ, джетген къызгъа – чилле джаулукъ.
- Тенги кёбню джау алмаз, акъылы кёбню дау алмаз.
- Ашхы – джыяр, аман – джояр.
- Бети къызарыучу адамны, джюреги харам болмаз.
- Телини эшигин, махтау джабар.
- Эркишини аманы тиширыуну джылатыр.
- Окъугъан – асыу, окъумагъан – джарсыу.
- Къазанны башы ачыкъ болса, итге уят керекди.
- Иги сёз – джаннга азыкъ, аман сёз башха – къазыкъ.
- Ач бёрюге мекям джокъ.
- Тил – кесген бычакъ, сёз – атылгъан окъ.
- Кёб ант этген, кёб ётюрюк айтыр.
- Кёбге таш атма.
- Къыз келсе, джумуш эте келеди, къатын келсе, ушакъ эте келеди.
- Накъырда – кертини келечиси.
- Тенгинг джокъ эсе – изле, бар эсе – сакъла!
- Минг тенг да азды, бир джау да кёбдю.
- Бети бедерден, намыс сакълама.
- Зар адам ашынгы ашар, кесинги сатар.
- Джыйырма къойну юч джыйырма эбзе кюте эди.
- Кимни – тили, тиши онглу, кимни – къолу, иши онглу.
- Битмегеннге сакъал – танг.
- Ишин билген, аны сыйын чыгъарады.
- Тойгъанлыкъ къойгъа джарашады.
- Ишни аллы бла къууанма да, арты бла къууан.
- Иги болса, тамадама – махтау, аман болса, меннге – айыб.
- Ариу сёз джыланны орнундан чыгъарыр.
- Къатыны харакетли болса, эри къымсыз болур.
- Тили узунну, намысы – къысха.
- Игиге айтсанг – билир, аманнга айтсанг – кюлюр.
- Ачыу алгъа келсе, акъыл артха къалады.
- Бети – къучакълар, джюреги – бычакълар.
- Ариу – кёзге, акъыл – джюрекге.
- Рысхысына кёре, джаш ёсер, къышлыгъына кёре, мал ёсер.
- Джарлы джети элни сёзюн этер.
- Аманнга игилик этсенг, юйюнге сау бармазса.
- Билимли ёлмез, билимсиз кёрмез.
- Ачлыкъ отха секиртир.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72