- Урама да – ёледи, сатама да – келеди.
- Аджалсыз ёлюм болмаз.
- Сёз – кюмюш, джыр – алтын.
- Рысхы джалгъанды: келген да этер, кетген да этер.
- Сёз къанатсыз учар.
- Ётюрюк хапар аякъ тюбю бла джюрюйдю.
- Аш иеси бла татлыды.
- Чакъырылмагъан къонакъ тёрге атламаз.
- Сёз садакъдан кючлюдю.
- Тамырсыз терекге таянма – джыгъылырса.
- Башсыз урчукъ тюзюне айланмаз.
- Иесиз малны бёрю ашар.
- Кёлю джокъну – джолу джокъ.
- Таукел къуру къалмаз.
- Алтыда кюлмеген, алтмышда кюлмез.
- Байма, деб да, къууанма, джарлыма, деб да, джылама.
- Къонакъ аман болса, къонакъбай джунчур
- Ашхы – джыяр, аман – джояр.
- Уруну арты – къуру.
- Тик ёргени, тик энгишгеси да болады.
- Кесине гебен этелмеген, биреуге черен эте эди.
- Кёб джат да, бек чаб.
- Ёлген ийнек сютлю болур.
- Ёлюр джаннга, ёкюл джокъ.
- Таякъ этден ётер, тил сюекден ётер.
- Харам къарнашдан, халал тенг ашхы.
- Кёкдеги болмаса, джердегин кёрмейди.
- Тас болгъан бычакъны сабы – алтын.
- Сёз сёзню айтдырыр.
- Ач отунчуну ачыуу – бурнунда.
- Билим насыб берир, билим джолну керир.
- Ишлегенден, къарагъан уста.
- Къарыусузгъа кюлме, онгсузгъа тийме.
- Терек ауса, отунчу – кёб.
- Ач бёрюге мекям джокъ.
- Билим къая тешер.
- Джюз элде джюз ёгюзюм болгъандан эсе, джюз джууугъум болсун.
- Эрни эр этерик да, къара джер этерик да, тиширыуду.
- Айтхан сёзюне табылгъан.
- Акъыл къартда, джашда тюйюлдю – башдады.
- Билимден уллу байлыкъ джокъду.
- Намыс болмагъан джерде, насыб болмаз.
- Мени джылытмагъан кюн, меннге тиймесин!
- Акъыл аздырмаз, билим тоздурмаз.
- Онгсузну – джакъла, тенгликни – сакъла.
- Джаханимни кёрмей, джандетге кёл салмазса.
- Сагъыш – къартлыкъгъа сюйюмчю.
- Кёб къычыргъандан – къоркъма, тынч олтургъандан – къоркъ.
- Тиширыусуз юй – отсуз от джагъа.
- Ашыкъгъанны этеги бутуна чырмалыр.
Профиль
|
|
|
|||