- Джерни букъусу кёкге къонмаз.
- Ётюрюкден тюбю джокъ, кёлтюрюрге джиби джокъ.
- Хар зат кесини орнуна иги.
- Ёзденликни джайгъан – джокълукъ.
- Дуния мал дунияда къалады.
- Алма терегинден кери кетмез.
- Иги адам абынса да, джангылмаз.
- Джахил болса анасы, не билликди баласы?
- Ашхы адам – халкъ байлыгъы, ашхы джер – джашау байлыгъы.
- Чакъырылмагъан къонакъ тёрге атламаз.
- Ат басханны джер билед.
- Джауумдан сора, кюн кюйдюрюр, ётюрюкден сора, айыб кюйдюрюр.
- Эркиши – от, тиширыу – суу.
- Бир онгсуз адам адет чыгъарды, деб эштирик тюлсе.
- Къонагъы джокъну – шоху джокъ.
- Башынга джетмегенни сорма.
- Юй кюйдю да, кюйюз чыкъды, ортасындан тюйюш чыкъды.
- Халкъны юйю – туугъан джери.
- Соргъан айыб тюлдю, билмеген айыбды.
- Бюгюн дуния кибик, тамбла ахыратды.
- Къан бла кирген, джан бла чыгъар.
- Адамны бетине къарама, адетине къара.
- Тилчи бир сагъатха айлыкъ хата этер.
- Юйлю уругъа ит чабмаз.
- Тюзлюк тас болмайды.
- Аурууну келиую тынч, кетиую – къыйын.
- Ашына кёре табагъы, балына кёре къалагъы.
- Берекет берсин деген джерде, берекет болур.
- Элде адам къалмаса, ит тахтагъа минер.
- Тюкюрюк баш джармаз, налат кёз чыгъармаз!
- Къозулугъунда тоймагъан, къойлугъунда тоймаз.
- Болджал ишни бёрю ашар.
- Ач, тоймам, дейди, тойгъан, ач болмам, дейди.
- Тили узунну, намысы – къысха.
- Чоюнну башы ачыкъ болса, итге уят керекди.
- Джашда акъыл джокъ, къартда къарыу джокъ.
- Хантына кёре тузу, юйюне кёре къызы.
- Махтаннган къыз, тойда джукълар.
- Тай асырагъан, атха минер.
- «Ма», - дегенни билмесенг, «бер», - дегенни билмезсе.
- Терек ауса, отунчу – кёб.
- Таула не мийик болсала да, аууш табылыр.
- Адамгъа аман кюн соруб келмейди.
- Суу кетер, таш къалыр.
- Сибиртки да сыйлы болду, кюрек да кюнлю болду.
- Къалгъан ишге къар джауар.
- Мал тутхан – май джалар.
- Аз сёлеш, кёб ишле.
- Къазанчы аман болса, къазаны къайнамаз.
- Къралынгы – душмандан, башынгы от бла суудан сакъла.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72