- Бал – татлы, балдан да бала – татлы.
- Ётген ёмюр – акъгъан суу.
- Ариу – кёзге, акъыл – джюрекге.
- Керек ташны ауурлугъу джокъ.
- Кесине оноу эте билмеген, халкъына да эте билмез.
- Бетинги сатма, малынгы сат.
- Кёкдеги болмаса, джердегин кёрмейди.
- Айраннга суу къош, телиге джол бош.
- Чакъырылмагъан джерге барма, чакъырылгъан джерден къалма.
- Мал тутхан – май джалар.
- Арбаз сайлама да, хоншу сайла.
- Ана къолу ачытмаз.
- Мухар, кеси тойса да, кёзю тоймаз.
- Байлыкъ адамны сокъур этер.
- Сыфатында болмагъаны, суратында болмаз.
- Ишленмеген джаш – джюгенсиз ат, ишленмеген къыз – тузсуз хант.
- Терек ауса, отунчу – кёб.
- Айыбны суу бла джууалмазса.
- Гырджын – тепсини тамадасы.
- Къартха ушагъан джаш – акъыллы, джашха ушагъан къарт – тели.
- Джолда аягъынга сакъ бол, ушакъда тилинге сакъ бол.
- Къоркъакъны кёзю экили кёрюр.
- Тай асырагъан, атха минер.
- Баш – акъыл ючюн, акъылман – халкъ ючюн.
- Этек чакъмакълары баш джаргъан, сёлешген сёзлери таш джаргъан.
- Эринчекге кюн узун.
- Адам боллукъ, атламындан белгили болур.
- Урама да – ёледи, сатама да – келеди.
- Босагъа таш юйге кирмей эди, тыбыр таш эшикге чыкъмай эди.
- Къыз келсе, джумуш эте келеди, къатын келсе, ушакъ эте келеди.
- Адамны аты башхача, акъылы да башхады.
- Къонакъ болсанг, ийнакъ бол.
- Хунаны тюбюн къазсанг, юсюнге ауар.
- Экеу тутушса, биреу джыгъылыр.
- Тели турса – той бузар.
- Туз, гырджын аша, тюзлюк бла джаша.
- Тилчи тилден къаныкъмаз.
- Джерни букъусу кёкге къонмаз.
- Булут кёкге джарашыу, уят бетге джарашыу.
- Къарнынг ауруса, ауузунгу тый
- Эри аманны, къатыны – аман.
- Эркиши – от, тиширыу – суу.
- Джахил болса анасы, не билликди баласы?
- Ачыу алгъа келсе, акъыл артха къалады.
- Тёрдеги кюлсе, эшикдеги ышарыр.
- Иги адамны бир сёзю эки болмаз.
- Душманны тышы – акъ, ичи – къара.
- Къарт айтханны этмеген, къартаймаз.
- Эски джаугъа ышанма.
- Тилчиден кери бол.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72