Эльбрусоид :: Форум

Ёлмесенг да, къарт дамы болмазса?
Ишни ахырын ойламай, аллын башлама.
Суу кетер, таш къалыр.
Аджалсыз ёлюм болмаз.
Таукел тауну аудурур.
Айыбны суу бла джууалмазса.
Къыз чыгъаргъан – къызыл къымжа.
Орундукъ тюбюнде атылсам да, орта джиликме, де да айлан.
Узун джолну барсанг, бюгюн келирсе, къысха джолну барсанг, тамбла келирсе.
Азыгъы аз, алгъа къабар, аты аман, алгъа чабар.
Къар – келтирди, суу – элтди.
Джашны джигитлиги сорулур, къызны джигерлиги сорулур.
Эр абынмай, эл танымаз.
Тили узунну, намысы – къысха.
Ата – билек, ана – джюрек!
Аман адам элни бир-бирине джау этер.
Байлыкъ адамны сокъур этер.
Аджашхан тёгерек айланыр.
Сууда джау джокъ, кёб сёзде магъана джокъ.
Кёрмегеннге кебек – танг, битмегеннге сакъал – танг.
Ашаса, ашамаса да, бёрюню ауузу – къан.
Гугук кесини атын айтыб къычыргъанча, мен, мен деб нек тураса?
Аманны къуугъан, аманлыкъ табар.
Эрине къаргъыш этген къатын, эрнин къабар.
Тилде сюек болмаса да, сюек сындырыр.
Аллахдан тилесенг, кёб тиле.
Иги адамны бир сёзю эки болмаз.
Чомартха хар кюн да байрамды.
Ауругъанны сау билмез, ач къарынны токъ билмез.
Байлыкъ болгъан джерде, тынчлыкъ джокъду.
Алгъанда – джууукъ, бергенде – джау.
Айырылмаз джууугъунга, унутмаз сёзню айтма.
Тойну къарнашы – харс, джырны къарнашы – эжиу.
Зар адамны насыбы болмаз.
Къарыусузгъа кюлме, онгсузгъа тийме.
Ауузу аманнга «иги», деме.
Окъумагъан сокъурду, сокъур ташха абыныр!
Ёлген эшек бёрюден къоркъмайды.
Артына баргъанны, къатына барма.
Сютню башын джалагъан къутулур, тюбюн ичген тутулур.
Ашхы сёз таш тешер.
Аз сёлешген, къайгъысыз турур.
Мен да «сен», дейме, сен да «кесим», дейсе.
Къартны бурнун сюрт да, оноугъа тут.
Баргъанынга кёре болур келгенинг.
Хантына кёре тузу, юйюне кёре къызы.
Къазанда болса, чолпугъа чыгъар.
Биреуге кёлтюрген таягъынг, кесинги башынга урур.
Ётюрюкден тюбю джокъ, кёлтюрюрге джиби джокъ.
Миллетни бойну – базыкъ, аны бла кюрешген – джазыкъ.

Логин:
Пароль:
	Запомнить меня на этом компьютере

Забыли свой пароль?
Регистрация