- Рысхысына кёре, джаш ёсер, къышлыгъына кёре, мал ёсер.
- Игиге айтсанг – билир, аманнга айтсанг – кюлюр.
- Кюн – узун, ёмюр – къысха.
- Чакъырылмагъан къонакъ тёрге атламаз.
- Сакъ юйюне сау барыр.
- Ашын ашагъанынгы, башын да сыйла.
- Тилчи тилден къаныкъмаз.
- Къыз чыгъаргъан – къызыл къымжа.
- Ачлыкъда тары гырджын халыуадан татлы.
- Къонакъны къачан кетерин сорма, къачан келлигин сор.
- Азыкълы ат арымаз, къатыны аман джарымаз.
- Махтаннган къыз, тойда джукълар.
- Къарт бла баш аша, джаш бла аякъ аша.
- Айырылгъанланы айю ашар, бёлюннгенлени бёрю ашар.
- Адамны аманы адамны бети бла ойнар.
- Тура эдим джата, къайдан чыкъды хата?
- Чарсда алчыны эл кёреди.
- Чакъырылмагъан къонакъ къачан кетерин сормаз.
- Джарлы тюеге минсе да, ит къабар.
- Тели турса – той бузар.
- Ёгюзню мюйюзюнден тутадыла, адамны сёзюнден тутадыла.
- Кёб ант этген, кёб ётюрюк айтыр.
- Аман адам элни бир-бирине джау этер.
- Ушамагъан – джукъмаз.
- Керти сёзге тёре джокъ.
- Чакъырылмагъан къонакъ – орунсуз.
- Ашхы атаны – джашы ашхы, ашхы ананы – къызы ашхы.
- Гугук кесини атын айтыб къычыргъанча, мен, мен деб нек тураса?
- Тёгюлген тюгел джыйылмайды.
- Чомартны къолу берекет.
- Уллу айтханны этмеген – уллаймаз.
- Баргъанынга кёре болур келгенинг.
- Аман адамны тепсинге олтуртсанг, къызынгы тилер.
- Аууздан келген, къолдан келсе, ким да патчах болур эди.
- Дуния аламаты сен эсенг да, игиме деб айтма.
- Гырджын – тепсини тамадасы.
- Билимли ёлмез, билимсиз кёрмез.
- Къалгъан ишге къар джауар.
- Адеб джокъда, намыс джокъ.
- Адамны аты башхача, акъылы да башхады.
- Къызбайны юйюне дери сюрсенг, батыр болур.
- Сабий кёргенин унутмаз.
- Джогъун бар этген, барын бал этген.
- Адебсиз адам – джюгенсиз ат.
- Къарыусузгъа кюлме, онгсузгъа тийме.
- Джылкъыдан – ат чыгъар, тукъумдан – джаш чыгъар.
- Ачыкъ джюрекге джол – ачыкъ.
- Айныгъанлы алты кюн, тогъайгъанлы тогъуз кюн.
- Эркиши – от, тиширыу – суу.
- Бети къызарыучу адамны, джюреги харам болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72