- Къарт бла баш аша, джаш бла аякъ аша.
- Игини сыйлагъан адетди.
- Акъыллы – эл иеси, тели – эл баласы.
- Мен да «сен», дейме, сен да «кесим», дейсе.
- Арба аугъандан сора, джол кёргюзтюучю кёб болур.
- Ёксюзню къалачы уллу кёрюнюр.
- Эм уллу байлыкъ – джан саулукъ.
- Ата Джуртча джер болмаз, туугъан элча эл болмаз.
- Къошда джокъгъа – юлюш джокъ.
- Келлик заман – къартлыкъ келтирир, кетген заман – джашлыкъ ёлтюрюр.
- Ишлерге уял да, ашаргъа табма.
- Тиширыусуз юй – отсуз от джагъа.
- Сабий болмагъан джерде, мёлек болмаз.
- Хар адамгъа кеси миннген тау кибик.
- Ёгюзню мюйюзюнден тутадыла, адамны сёзюнден тутадыла.
- Айтханы чапыракъдан ётмеген.
- Атлыны кёрсе, джаяуну буту талыр.
- Ашына кёре табагъы, балына кёре къалагъы.
- Сабыр джетер муратха, сабырсыз къалыр уятха.
- Къарны аманнга къазан такъдырма, къолу аманнга от джакъдырма.
- Чарсда алчыны эл кёреди.
- Адебни адебсизден юрен.
- Онгсузну – джакъла, тенгликни – сакъла.
- Таукелге нюр джауар.
- Кёпюр салгъан кеси ётер, уру къазгъан кеси кетер.
- Аманны къуугъан, аманлыкъ табар.
- Эки элинги тыйсанг, джети элде махталырса.
- Мени джылытмагъан кюн, меннге тиймесин!
- Къуру гыбыт бек дыгъырдар.
- Юй ишлеген балта эшикде къалыр.
- Эркишини аманы тиширыуну джылатыр.
- Акъыл сабырлыкъ берир.
- Кюлме джашха – келир башха.
- Тамбла алтындан бюгюн багъыр ашхы.
- Кёл ашады да, кеси ашады.
- Къайтырыкъ эшигинги, къаты уруб чыкъма.
- Баланы адам этген анады.
- Тынгылагъан тынгы бузар.
- Къартха ушагъан джаш – акъыллы, джашха ушагъан къарт – тели.
- Сыфатында болмагъаны, суратында болмаз.
- Эки итни арасына сюек атма, эки адамны арасында сёз чыгъарма.
- Сормай – алма, чакъырылмай – барма.
- Къууут – джелге, берне – бошха.
- Тойгъандан сора, ашны сёкме.
- Джарашыу сюйген – джалынчакъ.
- Сабийликде юретмесенг, уллу болса – тюзелмез.
- Чомартха Тейри да борчлуду.
- Билеги кючлю, бирни джыгъар, билими кючлю, мингни джыгъар.
- Хазыр ашха – терен къашыкъ.
- Башы джабылгъан челекге, кир тюшмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72