- Эрине къаргъыш этген къатын, эрнин къабар.
- Айтхан – тынч, этген – къыйын.
- Насыблы элин сюер, насыбсыз кесин сюер.
- Билим – акъылны чырагъы.
- Ариу джол аджал келтирмез.
- Хаухну атма, ёнгкючню сатма.
- Аман киши кеси юйюнде – къонакъ.
- Хазыр ашха – терен къашыкъ.
- Джыгъылгъанны сырты джерден тоймаз.
- Ач да бол, токъ да бол – намысынга бек бол.
- Адамны сыфатына къарама, сёзюне къара.
- Ишленмеген джаш – джюгенсиз ат, ишленмеген къыз – тузсуз хант.
- Акъыллы эркиши атын махтар, акъылсыз эркиши къатынын махтар.
- Тёгюлген тюгел джыйылмайды.
- Тюзлюк тас болмайды.
- Зарда марда джокъ.
- Ашаса, ашамаса да, бёрюню ауузу – къан.
- Ач – эснер, ат – кишнер.
- Кёкдеги болмаса, джердегин кёрмейди.
- Адам боллукъ, атламындан белгили болур.
- Хатерли къул болур.
- Билим къая тешер.
- Юйлю уругъа ит чабмаз.
- Тенгинг джокъ эсе – изле, бар эсе – сакъла!
- Башы ишлегенни, ауузу да ишлер.
- Накъырда – кертини келечиси.
- Айырылмаз джууугъунга, унутмаз сёзню айтма.
- Тилчиден кери бол.
- Кёпюр салгъан кеси ётер, уру къазгъан кеси кетер.
- Уллу къашыкъ эрин джыртар.
- Аман хансны – урлугъу кёб.
- Ишлегенден, къарагъан уста.
- Этни да ашады, бетни да ашады.
- Ашда – бёрю, ишде – ёлю.
- Гугурук къычырмаса да, тангны атары къалмаз.
- Кёл – къызбай, къол – батыр.
- Чомарт къолда мал къалмаз.
- Ана – юйню кюн джарыгъы.
- Окъдан джара эртде-кеч болса да бителир, сёз джара, ёмюрге къалыр.
- Тойгъанлыкъ къойгъа джарашады.
- Байлыкъ тауусулур, билим тауусулмаз.
- Джиби бир къат джетмей эди да, эки къат тарта эди.
- Чабакъ башындан чирийди.
- Босагъагъа джууукъ орун болса, ашыгъыб тёрге озма.
- Танг атмайма десе да, кюн къоярыкъ тюйюлдю.
- Эртде тургъан джылкъычыны эркек аты тай табар.
- Байлыкъ келсе, акъыл кетер.
- Акъдан къара болмаз.
- Тамчы таш тешер.
- Ачыу алгъа келсе, акъыл артха къалады.
Профиль
|
|
|||