- Ачыу алгъа келсе, акъыл артха къалады.
- Джюрекден джюрекге джол барды.
- Ашын ашагъанынгы, башын да сыйла.
- Ауругъан – джашаудан умутчу.
- Асхат ашлыкъ сата, юйдегиси ачдан къата.
- Таугъа чыгъаллыкъ эсенг, тюзде къалма.
- Ёлген эшек бёрюден къоркъмайды.
- Узун джолну барсанг, бюгюн келирсе, къысха джолну барсанг, тамбла келирсе.
- Айырылмаз джууугъунга, унутмаз сёзню айтма.
- Билим ат болуб да чабар, къуш болуб да учар.
- Бал – татлы, балдан да бала – татлы.
- Кесине гебен этелмеген, биреуге черен эте эди.
- Эл тойса, тоймагъан, эл къойса, къоймагъан.
- Кёбню кёрген – кёб билир.
- Къан бла кирген, джан бла чыгъар.
- Къызны минг тилер, бир алыр.
- Ашхы тенг джолгъа салыр, аман тенг джолдан тайдырыр.
- Ёзденликни кёбю ётюрюк.
- Хар адамгъа кеси миннген тау кибик.
- Ана къолу ачытмаз.
- Кёб джат да, бек чаб.
- Адеб джокъда, намыс джокъ.
- Джангызны оту джарыкъ джанмаз!
- Бал чибинни ургъаны – ачы, балы – татлы.
- Этек чакъмакълары баш джаргъан, сёлешген сёзлери таш джаргъан.
- Телиге от эт десенг, юйюнге от салыр.
- Эртде тургъан бла эртде юйленнген сокъуранмаз.
- Мураты болгъанны джюрек тебюую башхады.
- Тойгъан джерден туугъан джер игиди.
- Башсыз урчукъ тюзюне айланмаз.
- Къатыны харакетли болса, эри къымсыз болур.
- Адам сёзюнден белгили.
- Къартны сыйын кёрмеген, къартлыгъында сыйлы болмаз.
- Тыш элде солтан болгъандан эсе, кесинги элде олтан болгъан игиди!
- Къыз келсе, джумуш эте келеди, къатын келсе, ушакъ эте келеди.
- Къуру гыбыт бек дыгъырдар.
- Махтаннган къыз, тойда джукълар.
- Джаралыны джастыгъында сау ёлюр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Аманнга да, игиге да оноусуз къатышма.
- Алим болгъандан эсе, адам болгъан къыйынды.
- Ариу джол аджал келтирмез.
- Къыйынлы джети элни къайгъысын этер.
- Иги – алгъыш этер, аман – къаргъыш этер.
- Уллу айтханны этмеген – уллаймаз.
- Ханнга да келеди хариблик.
- Билимден уллу байлыкъ джокъду.
- Джаш болсун, къыз болсун, акъылы, саны тюз болсун.
- Мал тутхан – май джалар.
- Суугъа – таянма, джаугъа – ийнанма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72