- Джаралыны джастыгъында сау ёлюр.
- Эли джокъну – кёлю джокъ.
- Байлыкъдан саулукъ ашхыды.
- Татлы сёз – балдан татлы.
- Джюрекден джюрекге джол барды.
- Сагъыш – къартлыкъгъа сюйюмчю.
- Сёз – кюмюш, джыр – алтын.
- Артына баргъанны, къатына барма.
- Ышармагъан – кюлмез, кюлмеген – къууанчны билмез.
- Акъыллы – эл иеси, тели – эл баласы.
- Джукъу тёшек сайламайды.
- Ариу – кёзге, акъыл – джюрекге.
- Сютню башын джалагъан къутулур, тюбюн ичген тутулур.
- Нарт сёз къарт болмаз.
- Къатын байлыкъны сюер, эр саулукъну сюер.
- Таукелге нюр джауар.
- Эркишини аманы тиширыуну джылатыр.
- Айтхан – тынч, этген – къыйын.
- Кийиминг бла танылма, адамлыкъ бла таныл.
- Кёрмегеннге кебек – танг, битмегеннге сакъал – танг.
- Сакъ юйюне сау барыр.
- Акъыллы эркиши атын махтар, акъылсыз эркиши къатынын махтар.
- Гитче джилтин уллу элни джандырыр.
- Кирсизни – саны таза, халалны – къаны таза.
- Ана кёлю – балада, бала кёлю – талада.
- Джырына кёре эжиую.
- Къан бла кирген, джан бла чыгъар.
- Джыланны къуйругъундан басарынг келсе, аны башы болгъанын унутма.
- Тюзню ётмеги тюзде къалса да, тас болмаз.
- Тилсиз миллет джокъ болур.
- Тели турса – той бузар.
- Байма, деб да, къууанма, джарлыма, деб да, джылама.
- Башы джабылгъан челекге, кир тюшмез.
- Оюмсуз атлагъан, аджалсыз ёлюр.
- Джарлы джети элни сёзюн этер.
- Тас болгъан бычакъны сабы – алтын.
- Керек ташны ауурлугъу джокъ.
- Узун джолну барсанг, бюгюн келирсе, къысха джолну барсанг, тамбла келирсе.
- Къызын тута билмеген, тул этер, джашын тута билмеген, къул этер.
- Джылкъыдан – ат чыгъар, тукъумдан – джаш чыгъар.
- Аурууну келиую тынч, кетиую – къыйын.
- Къайгъы тюбю – тенгиз.
- Къобан да къуру да къобханлай турмайды, адам да къуру да патчахлай турмайды.
- Ёзденликни джайгъан – джокълукъ.
- Къонакъ аман болса, къонакъбай джунчур
- Тынгылагъан тынгы бузар.
- Ауузу бла къуш тута айланады.
- Хатерли къул болур.
- Адамны бетине къарама, адетине къара.
- Башда акъыл болмаса, эки аякъгъа кюч джетер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72