- Минг тенг да азды, бир джау да кёбдю.
- «Ёгюз, джаргъа джууукъ барма, меннге джюк боллукъса», - дегенди эшек.
- Узун джолну барсанг, бюгюн келирсе, къысха джолну барсанг, тамбла келирсе.
- Эртде тургъан бла эртде юйленнген сокъуранмаз.
- Къумурсхала джыйылсала, пилни да джыгъадыла.
- Игини сыйлагъан адетди.
- Ашыкъгъан cуу, тенгизге джетмез.
- Ётюрюкчюню шагъаты – къатында.
- Къая джолда джортма, ачыкъ сёзден къоркъма.
- Джогъун бар этген, барын бал этген.
- Эр сокъур болсун, къатын тилсиз болсун.
- Гитче джилтин уллу элни джандырыр.
- Сагъыш – къартлыкъгъа сюйюмчю.
- Аман адам элни бир-бирине джау этер.
- Билим – акъылны чырагъы.
- Адамны артындан къара сабан сюрме.
- Къарнынг къанлынга кийирир.
- Адеби болмагъан къыз – тузсуз хант.
- Асхат ашлыкъ сата, юйдегиси ачдан къата.
- Келгинчи, къонакъ уялыр, келгенден сора, къонакъбай уялыр.
- Ышармагъан – кюлмез, кюлмеген – къууанчны билмез.
- Ана – юйню кюн джарыгъы.
- Экиндини кеч къылсанг, чабыб джетер ашхам.
- Магъанасыз сёз – тауушсуз сыбызгъы.
- Билимли ёлмез, билимсиз кёрмез.
- Къан бла кирген, джан бла чыгъар.
- Бозаны арты дауур болур.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тау башында, тау болмаз, джангыз терек, бау болмаз.
- Аджашханны ызындагъы кёреди, джангылгъанны джанындагъы биледи.
- Эли джокъну – кёлю джокъ.
- Айырылмаз джууугъунга, унутмаз сёзню айтма.
- Ана къолу ачытмаз.
- Хантына кёре тузу, юйюне кёре къызы.
- Джарлыны эшигин махтагъан джабар.
- Тойгъан джерге джети къайт.
- Мадар болса, къадар болур.
- Сабийликде юретмесенг, уллу болса – тюзелмез.
- Эл элде бирер малынг болгъандан эсе, бирер тенгинг болсун.
- Хар ишни да аллы къыйынды.
- Адам сёзге тынгыла, акъыл сёзню ангыла.
- Хар зат кесини орнуна иги.
- Къызбайны юйюне дери сюрсенг, батыр болур.
- Бал чибинни ургъаны – ачы, балы – татлы.
- Нёгерсизни джолу узун.
- Айраннга суу къош, телиге джол бош.
- Сыфатында болмагъаны, суратында болмаз.
- Атынг аманнга чыкъгъандан эсе, джанынг тамагъынгдан чыкъсын.
- Мухар, кеси тойса да, кёзю тоймаз.
- Татлы сёз – балдан татлы.
Профиль
|
|
|||